La 27:6 - BAIBLO ALOO NGMAMI KLƆUKLƆU Ɔ

⁶ Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 27:6 ပူးပေါင်းရင်းမြစ်များ

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

La 107:22

E sa kaa a sã bɔhi kɛ na lɛ si; a kɛ bua jɔmi nɛ la nyami la kɛ gba níhi nɛ e tsu ɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Samuel II, 22:49

nɛ e kpɔ mi kɛ je ye he nyɛli ɔmɛ a dɛ mi. Yawɛ lee, o ha nɛ i ye ye he nyɛli ɔmɛ a nɔ kunimi; o je mi kɛ je yi mi wali a dɛ mi.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

La 95:1

Nyɛɛ ba nɛ wa la kɛ je Yawɛ yi; nyɛ ha nɛ wa he ose kɛ ha Mawu, nɔ nɛ buu wa he ɔ.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

La 138:5

A ma la kɛ gba nyakpɛ níhi nɛ o pee ɔ; a ma la ma de ke o hɛ mi nyami ɔ kle.

La 110:7

Matsɛ ɔ maa nu pa nɛ ngɛ blɔ ɔ he ɔ mi nyu, lɔ ɔ maa wo lɛ he wami, nɛ e maa ye kunimi.

La 81:1

Nyɛ wo nyɛ gbi nɔ kɛ la ha Mawu, wa he bulɔ ɔ. Nyɛ hwɔ lele kɛ je Yakob Mawu ɔ yi.

La 47:1

Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

La 21:13

Yawɛ, wa ngɛ o yi jee ngɛ o he wami kpetekpleenyɛ ɔ he. Wa ma la kɛ je o yi, ejakaa o he wa wawɛɛ nitsɛ!

La 21:1

Yawɛ, matsɛ ɔ bua jɔ e he, ejakaa o ha lɛ he wami. Matsɛ ɔ ngɛ nyae, ejakaa o ha nɛ e ye kunimi.

Kronika I, 22:18

E de mɛ ke, “Yawɛ, nyɛ Mawu ɔ kɛ nyɛ nɛ hi si, nɛ e ha nyɛ tue mi jɔmi ngɛ he tsuaa he nɛ nyɛ ngɛ ɔ. Nihi nɛ ngɛ zugba nɛ ɔ nɔ loko wa ba hiɛ ɔ, Yawɛ ngɔ mɛ tsuo ngɔ wo ye dɛ mi. I ye a nɔ kunimi, nɛ amlɔ nɛ ɔ, a ba pee nyɛɛ kɛ Yawɛ nyɛ sɔmɔli.

Matsɛmɛ II, 25:27

Jeha mi nɛ Evilmerodak ba bɔni tsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ ngɛ tsu mi. Nɛ́ a nu Yehoyakin kɛ ya wo tsu ngɛ ma se ɔ, jeha nyingmi etɛ kɛ kpaagone ɔ we nyɔhiɔ nyɔngma kɛ enyɔ ɔ we ligbi nyingmi enyɔ kɛ kpaago ɔ nɔ nɛ a je lɛ.

Samuel II, 22:1

Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Mose I, 40:13

Hiɛmɛ nɛ ɔ ligbi etɛ ɔ, Farao ɔ ma je mo kɛ je tsu mi; e kɛ o he maa ke mo, nɛ e maa ngɔ mo ngɔ to o blɔ he ɔ ekohu. O kɛ Farao ɔ kplu ɔ maa wo e dɛ mi ekohu kaa bɔ nɛ o peeɔ sa, benɛ o ji e dã nɔ hyɛlɔ nɔkɔtɔma a.

Mose I, 40:20

Ligbi etɛ se ɔ, Farao ɔ ye e fɔmi ligbi. E tsɛ e tsɔli ɔmɛ tsuo ní yemi, nɛ e ha a ya je e dã nɔ hyɛlɔ nɔkɔtɔma a, kɛ abolo salɔ nɔkɔtɔma a ngɛ tsu ɔ mi kɛ ba.

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 57:8

Makɛ mla a, ma te si, nɛ ma fia saku, kɛ kpa saku.

La 119:108

Yawɛ, mo he ye bɔ nɛ i kɛ ngɛ mo si nae ɔ, nɛ o tsɔɔ mi o mlaa amɛ.