La 27:5 - BAIBLO ALOO NGMAMI KLƆUKLƆU Ɔ

⁵ Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

La 27:5 ပူးပေါင်းရင်းမြစ်များ

Kronika II, 22:12

Yoash hi lejɛ ɔ ngɛ laami tso mi jeha ekpa sɔuu, be mi nɛ Atalia ngɛ manyɛ yee ngɛ zugba a nɔ.

La 10:1

Yawɛ, mɛni hɛ mo kɛ ya se tsitsaa kikɛ nɛ ɔ? Mɛni he je o ya laa o he ngɛ wa haomi be nɛ ɔ mi ɔ?

La 119:114

Mo ji ye he bulɔ, kɛ ye yi baalɔ; i ngɔ ye hɛ kɛ fɔ o siwo ɔ nɔ.

La 138:7

Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

La 17:8

Moo baa ye yi kaa bɔ nɛ nɔ baa lɛ nitsɛ e hɛngmɛ yi ɔ. Ngɔɔ mi kɛ laa ngɛ o pɛli hɔ̃ ɔ sisi,

La 18:33

Lɛ nɛ haa nɛ ye nane nya sɔɔ kaa odabɔ nane nya. E ngɔ mi ngɔ to yo ɔmɛ a nɔ ngɛ he jɔmi mi.

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

La 31:21

A je Yawɛ yi! Ejakaa benɛ he nyɛli, nɛ a sa ba tua mi ye yi ɔ, e je e suɔmi ɔ kpo kɛ tsɔɔ mi ngɛ nyakpɛ blɔ nɔ.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 61:2

Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

La 61:3

Ejakaa mo ji ye wesa he, ye mɔ nɛ he wa, he nɛ he nyɛlɔ ɔ nine be ye nɔ sue ngɛ.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

La 83:3

A ngɛ ga yaya toe kɛ ngɛ o ma a he woe; nihi nɛ o ngɛ a he bue ɔ, o he nyɛli ɔmɛ ngɛ a yi nɔ soe.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.