La 27:4 - BAIBLO ALOO NGMAMI KLƆUKLƆU Ɔ

⁴ Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 27:4 ပူးပေါင်းရင်းမြစ်များ

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

La 23:6

Niinɛ, i le kaa ye wami be ɔ tsuo o maa na mi mɔbɔ, nɛ o maa pee mi kpakpa sɔuu. Nɛ mo Yawɛ, o we ɔ ji he nɛ ma hi daa.

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

La 26:8

Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

La 84:4

Nihi nɛ hii o we ɔ mi, nɛ laa daa kɛ jeɔ o yi ɔ, a gbaa mɛ.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Yeremia 29:13

Nyɛ ma hla ye se blɔ, nɛ nyɛ maa na mi. Ke nyɛ ngɔ nyɛ tsui tsuo kɛ hla ye se blɔ ɔ,

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Filipibi 3:13

Ye nyɛmimɛ nɛ i suɔ, anɔkuale mi ɔ, i ngɔɛ lɛ kaa ye nine su nɔ momo. Se mohu nɔ́ kake nɛ i peeɔ ji kaa níhi nɛ be ɔ, ma je hɛ ngɛ a nɔ, nɛ ma tiu níhi nɛ ngɛ hɛ mi ɔ.

1 Timoteo 5:5

Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Samuel I, 22:10

Ahimelek bi Yawɛ ga womi ha David. Lɔ ɔ se ɔ, e ha lɛ ní, nɛ e ngɔ Goliat, Filisti no ɔ klaate ɔ hu ngɔ ha lɛ.”

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”