La 26:3 - BAIBLO ALOO NGMAMI KLƆUKLƆU Ɔ

³ Ejakaa o suɔmi nɛ ngɛ daa a lɛ kpakaa mi; o we anɔkuale ɔ lɛ tsɔɔ mi blɔ.

La 26:3 ပူးပေါင်းရင်းမြစ်များ

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

La 119:142

Dalɔ ji mo, nɛ ja o ngɛ kɛ yaa neneene; o mlaa a, anɔkuale sɔuu.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

La 86:11

Yawɛ, tsɔɔ mi nɔ́ nɛ o suɔ kaa ma pee, nɛ ma ye mo anɔkuale sisiisi. Ha nɛ ma ngɔ ye he wami tsuo kɛ sɔmɔ mo.

Yesaya 2:5

Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Luka 6:36

Nyɛɛ na nɔ tsuaa nɔ mɔbɔ kaa bɔ nɛ nyɛ Tsɛ Mawu naa nɔ tsuaa nɔ mɔbɔ ɔ.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

2 Yohane 1:4

I na bua jɔmi babauu, benɛ i nu kaa o bimɛ ɔmɛ ekomɛ baa a je mi ngɛ anɔkuale ɔ nya kaa bɔ nɛ Tsɛ ɔ fa wɔ ke waa pee ɔ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.