La 26:2 - BAIBLO ALOO NGMAMI KLƆUKLƆU Ɔ

² Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.

La 26:2 ပူးပေါင်းရင်းမြစ်များ

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

Hiob 13:23

Mɛni ji ye he yayami ɔmɛ? Mɛni tɔmihi nɛ i pee? Tsɔɔ mi ye yayami ɔmɛ, kɛ ye tɔmi ɔmɛ.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

La 66:10

Mo Mawu, o ka wɔ hyɛ ha, o tsu wa he kaa bɔ nɛ a tsuɔ sika hiɔ he ɔ.

Yeremia 20:12

Se mo, Yawɛ Tabohiatsɛ! Moo lɛɛ o hyɛɛ nimli a tsui mi kɛ a juɛmi mi; o le nihi nɛ peeɔ nɔ́ nɛ da. I tu ye sane ɔ kɛ wo o dɛ, lɔ ɔ he ɔ, gbla ye he nyɛli ɔmɛ a tue ha mi nɛ ma na kɛ ye hɛngmɛ.