E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.
“Yawɛ, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.
I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.
Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.
Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.