La 26:1 - BAIBLO ALOO NGMAMI KLƆUKLƆU Ɔ

¹ Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

La 26:1 ပူးပေါင်းရင်းမြစ်များ

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

La 7:8

Yawɛ, mo ji je ɔ tsuo kojolɔ. Moo ye ye sane ha mi; o le kaa i pee we nɔ́ ko nɛ dɛ.

Abɛ Womi 20:7

Bimɛ nɛ a tsɛ yeɔ anɔkuale, nɛ e peeɔ nɔ́ nɛ da a, a gbaa mɛ.

La 21:7

Matsɛ ɔ ngɔ e hɛ kɛ fɔ mo Yawɛ, Hiɔwe No ɔ, o nɔ. Enɛ ɔ he je ɔ, nɔ́ ko nɔ́ ko be lɛ pee; ejakaa o suɔmi ɔ ngɛ daa.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”

2 Petro 1:10

Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

La 121:3

E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble.

La 94:18

Benɛ i de ke, “I miɔ nɛ ma sane nɔ si ɔ,” mo Yawɛ, o suɔmi nɛ be nyagbe ɔ wo ye nɔ.

La 62:6

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 54:1

Mawu, ngɔɔ o he wami ɔ kɛ kpɔ mi. Ngɔɔ o he wami kpetekpleenyɛ ɔ kɛ wo mi nguɔ!

La 43:1

Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

La 37:31

E ngɔɔ e Mawu ɔ mlaa a kɛ toɔ e tsui mi, nɛ e si we se gblegbleegble.

La 35:24

Yawɛ, ye Mawu, mo nɛ o yeɔ dami sane. Moo wo mi nguɔ koo! Ko ha nɛ ye he nyɛli nɛ muɔ mi.

La 31:14

Se imi lɛɛ i ngɔ ye hɛ kɛ fɔ mo, Yawɛ o nɔ. I de ke, “Mo pɛ ji ye Mawu”.

La 26:11

Se imi lɛɛ nɔ́ nɛ da lɛ i peeɔ. Naa mi mɔbɔ, nɛ o he ye yi wami.

La 25:21

I ngɔ ye hɛ kɛ fɔ o nɔ, nɛ́ o bu ye he. Ha nɛ ye he nɛ tsɔ, nɛ ma ye anɔkuale kɛ pi si.

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

La 4:5

Nyɛɛ sã bɔ nɛ sa ha Yawɛ; nyɛɛ ngɔ nyɛ hɛ kɛ fɔ e nɔ.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 4:6

Tse o jaa Mawu! Anɛ lɔ ɔ wui mo bua lo? O peeɔ nɔ́ nɛ da blɔ! Anɛ lɔ ɔ ha we mo hɛ nɔ kami lo?