La 25:7 - BAIBLO ALOO NGMAMI KLƆUKLƆU Ɔ

⁷ Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

La 25:7 ပူးပေါင်းရင်းမြစ်များ

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Hiob 13:26

O po ye nya wawɛɛ nitsɛ; yayamihi nɛ i pee ye nihe be mi hu o ngɔ kɛ piɛ he.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

La 51:1

Mawu, naa mi mɔbɔ ngɛ o suɔmi nɛ ngɛ daa a he; nɛ ngɛ o mɔbɔ nami nɛ be nyagbe ɔ he ɔ, tsu ye he yayami ɔmɛ.

Hebribi 8:12

Ma na mɛ mɔbɔ ngɛ a tɔmi ɔmɛ a he; nɛ i be a he yayami ɔmɛ kaie hu gblegbleegble. Nyɔmtsɛ ɔ lɛ de.”

La 109:26

Yawɛ ye Mawu, ba piɛ ye he koo! He ye yi wami ngɛ o suɔmi nɛ ngɛ daa a he!

La 79:8

Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

La 31:16

Naa imi, o tsɔlɔ ɔ mɔbɔ! Mo he ye yi wami ngɛ o suɔmi nɛ ngɛ daa a he.

La 6:4

Yawɛ, ba he ye yi wami koo! Naa mi mɔbɔ nɛ o kpɔ mi, ejakaa o suɔmi ɔ be nyagbe.

Hiob 20:11

Nɔmlɔ tso kɛ e he nihe nyu tsuaa a ma plɛ pee zu.

Yohane 5:14

Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

Yohane 5:5

Nyumu ko ngɛ lejɛ ɔ nɛ ngɛ hiɔ nue jeha nyingmi etɛ kɛ kpaanyɔ sɔuu.

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

La 119:124

Mo nɛ o suɔmi be nyagbe, naa imi, o tsɔlɔ ɔ mɔbɔ, nɛ o tsɔɔ mi o mlaa amɛ.

La 109:16

Jamɛ a nɔmlɔ ɔ nlɛ hyɛ kaa e maa na nɔ ko mɔbɔ, se ohiatɛmɛ, dɛgutsɛmɛ, kɛ ni nɛmɛ nɛ a ní ngɛ mɔbɔ ɔ, e wa mɛ yi mi hluu kɛ ya si a gbenɔ mi po.

La 109:14

Yawɛ mo kai yayamihi nɛ e nɛmɛ ɔmɛ pee ɔ, nɛ e nyɛ he yayami po a ko ngɔ kɛ pa lɛ.

La 106:3

A gbaa nihi nɛ yeɔ dami sane, nɛ a peeɔ nɔ́ nɛ da be tsuaa be.

La 106:4

Yawɛ, ke o ngɛ o ma a mɔbɔ nae ɔ, mo kai imi hulɔ; ke o ngɛ a yi wami hee ɔ, ngɔɔ imi hu ngɔ piɛ a he.

Yesaya 48:11

Imi nitsɛ ye he i pee ha; ee, imi nitsɛ ye he ma pee ha. Ejakaa mɛni he je e sa kaa a puɛ ye biɛ? I be ye hɛ mi nyami ngɔe kɛ ha nɔ kpa ko.”

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”