La 25:2 - BAIBLO ALOO NGMAMI KLƆUKLƆU Ɔ

² Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 25:2 ပူးပေါင်းရင်းမြစ်များ

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

La 41:11

Ye he nyɛli ɔmɛ be ye nɔ yee; nɛ enɛ ɔ maa tsɔɔ mi kaa o ngɛ ye he bua jɔmi.

La 71:1

Yawɛ, o ngɔ nɛ i ba sa we ngɛ nɛ ɔ nɛ; ko ha nɛ ye hɛ mi nɛ pue si kɔkɔɔkɔ.

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

La 22:5

A fa kue ha mo, nɛ o he a yi wami. A ngɔ a hɛ kɛ fɔ o nɔ, nɛ a pia we a he kaa a pee ja.

La 142:6

Moo bu ye kue fami ɔ tue koo, ejakaa peepee ta ye he kulaa. Kpɔ mi kɛ je yiwutsotsɛmɛ a dɛ mi.

La 31:1

Yawɛ, i ba sa we ngɛ o ngɔ; ko ha nɛ zo nɛ gbe mi. Mo he ye yi wami, ejakaa dalɔ ji mo.

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

La 34:8

Nyɛɛ ka Yawɛ nɛ nyɛɛ hyɛ, nɛ nyɛ maa na kaa e hi. A gbaa nɔ nɛ ngɔɔ e hɛ kɛ fɔɔ e nɔ ɔ.

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

La 94:3

Yawɛ, kɛ yaa si mɛni be lɛ yayami peeli maa hi nyae? A maa hi mle yee kɛ yaa si mɛni be?

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

La 37:40

Yawɛ piɛɔ a he; e jeɔ mɛ kɛ jeɔ yayami peeli a dɛ mi, nɛ e heɔ a yi wami. Ejakaa a ba saa we ngɛ e ngɔ.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 7:1

Yawɛ, ye Mawu! I ba sa we ngɛ o ngɔ. Mo kpɔ mi kɛ je nihi tsuo nɛ ngɛ mi yi mi wae ɔ a dɛ mi, nɛ o he ye yi wami.

La 22:8

A deɔ ke, “Tse e ke e ngɔ e hɛ kɛ fɔ Yawɛ nɔ? Yawɛ nɛ he e yi wami koo? Ke Yawɛ suɔ lɛ ɔ, mɛni he je e ba píɛ we e he?”

La 22:1

Ye Mawu, ye Mawu, mɛni he je o kua mi? Mɛni he je i ngɛ awe nyae nɛ o daa si ngɛ se, nɛ o bɛ nɛ o ba je ngmlaa ha mi ɔ?

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yesaya 37:10

Bɔ nɛ e ngma ngɛ womi ɔ mi ji nɛ ɔ nɛ: “Ko ha nɛ o Mawu ɔ nɛ o ngɔ o hɛ ngɔ fɔ e nɔ ɔ nɛ mlɔɔ mo ke i be nyɛe ma ngɔ Yerusalem.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

La 56:1

Mawu lee, naa mi mɔbɔ, ejakaa nimli adesahi ngɛ mi yi mi wae; ye futsɛmɛ ngɛ mi haoe daa ligbi.

Kronika II, 13:18

Bɔ nɛ ba nɛ Yuda bi ɔmɛ ye Israel bi ɔmɛ a nɔ kunimi jamɛ a ligbi ɔ ji nɛ ɔ nɛ. A ye kunimi, ejakaa a ngɔ a hɛ ngɔ fɔ a nɛmɛ a Mawu ɔ nɔ.

La 13:5

Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

La 31:2

Moo bu mi tue koo! Mo he ye yi wami esɔ! Moo pee ye tɛ sa, nɛ o bu ye he! Moo pee ye mɔ, nɛ o he ye yi wami!

La 31:15

I ngɛ o dɛ mi be tsuaa be. Mo je mi kɛ je ye he nyɛli a dɛ mi; mo je mi kɛ je nihi nɛ waa mi yi mi ɔ a dɛ mi.

La 91:2

E ma de Yawɛ ke, “Mo ji ye wesa he, kɛ ye he bulɔ. Mo ji ye Mawu; i ngɔ ye hɛ kɛ fɔ o nɔ.”

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.