La 24:6 - BAIBLO ALOO NGMAMI KLƆUKLƆU Ɔ

⁶ Nihi kaa kikɛ nɛ ɔ ji ni nɛmɛ nɛ hlaa Mawu se blɔ ɔ nɛ; mɛ lɛ a baa Yakob Mawu ɔ hɛ mi.

La 24:6 ပူးပေါင်းရင်းမြစ်များ

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 105:4

Nyɛ hla Yawɛ se blɔ, konɛ e ha nyɛ he wami; nyɛ ja lɛ daa.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

La 22:30

Yi nɔhi nɛ maa ba hwɔɔ se ɔ ma sɔmɔ lɛ. Nihi maa sɛɛ Nyɔmtsɛ ɔ he ní kɛ ha hwɔɔ se bimɛ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

La 73:15

Se ke i de nɔ́ ko kaa kikɛ nɛ ɔ, lɛɛ i tɔ, nɛ i pee we ye ní kaa o ma mi no.