La 24:4 - BAIBLO ALOO NGMAMI KLƆUKLƆU Ɔ

⁴ Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

La 24:4 ပူးပေါင်းရင်းမြစ်များ

Mateo 5:8

“A gbaa ni nɛmɛ nɛ a tsui mi tsɔ, ejakaa a maa na Mawu.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

La 73:1

Niinɛ, Mawu hi ha Israel; e hi ha ni nɛmɛ nɛ a tsui mi tsɔ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Ni Tsumi 15:9

E tsɔɔ we slɔɔto ko ngɛ waa kɛ mɛ wa kpɛti; akɛnɛ a he ye ɔ, e ngɔ a he yayami ɔmɛ ngɔ pa mɛ.

La 18:20

Yawɛ wo mi hiɔ bɔ nɛ sa, ejakaa i peeɔ nɔ́ nɛ da. Yawɛ gbaa mi, ejakaa ye he tsɔ.

La 143:8

Mɔtu ɔ, ha ma kai bɔ nɛ o mi mi hi ha; ejakaa o nɔ i ngɔɔ ye hɛ kɛ fɔɔ. Ha nɛ ma le he nɛ ma gu; ejakaa mo pɛ o nɔ i ngɔ ye hɛ kɛ fɔ.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Ezekiel 18:6

E ja we Israel amaga amɛ, nɛ e yi ní nɛ a kɛ sã bɔ ha mɛ ngɛ yo ɔmɛ a nɔ. Jehanɛ hu, e nyɛɛ we e nyɛminyumu e yo se nɛ e ble lɛ; nɛ e yɛ yo nɛ ku nine ngɔ.

Abɛ Womi 20:9

Mɛnɔ ma nyɛ ma de anɔkuale mi ke, “Ye tsui mi tsɔ, nɛ yayami ko pa be ye he hu”?

La 25:1

Yawɛ, mo lɛ i ngɛ kue fae kɛ ngɛ hae.

Hiob 9:30

Jale ko jale ko be nɛ ma nyɛ ma fɔ ye he yayami ɔmɛ.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

Ezekiel 18:15

E ja we Israel amaga amɛ, nɛ e yi ní nɛ a kɛ sã bɔ ha mɛ ngɛ yo ɔmɛ a nɔ, nɛ jehanɛ hu, e nyɛɛ we e nyɛminyumu e yo se nɛ e ble lɛ.

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

La 51:12

Ha ma na bua jɔmi ekohu kaa mo ji ye yi wami helɔ; nɛ́ o ha nɛ ma bu mo tue daa.