La 24:3 - BAIBLO ALOO NGMAMI KLƆUKLƆU Ɔ

³ Mɛnɔ lɛ ngɛ he blɔ nɛ e kuɔɔ Yawɛ yoku ɔ? Mɛnɔ maa ya e we klɔuklɔu ɔ?

La 24:3 ပူးပေါင်းရင်းမြစ်များ

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

La 15:1

Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Ezekiel 44:5

Kɛkɛ nɛ Yawɛ de mi ke, “Nɔmlɔ adesa, bli o hɛngmɛ nɛ o hyɛ nɔ́ tsuaa nɔ́ pɛpɛɛpɛ; bu nɔ́ tsuaa nɔ́ tue saminya. Blɔ nya tomihi, kɛ mlaahi nɛ kɔɔ ye we ɔ he ɔ, kadi mɛ, konɛ o hɛ ko je a nɔ. Ná nɛ o le kaa pi nɔ tsuaa nɔ kɛkɛ nɛ yaa ye we ɔ.

Ezekiel 44:9

“Lɔ ɔ he ɔ, imi Nyɔmtsɛ Yawɛ, i ngɛ dee ke nubwɔ mɔmlɔtɔtsɛ nɛ he tsɔ we, nɛ bui mi tue kó sɛ ye we ɔ mi kɔkɔɔkɔ; nibwɔhi nɛ ngɛ Israel bi ɔmɛ a kpɛti tete po a ko ya lejɛ ɔ.”

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Yohane 13:36

Simon Petro bi lɛ ke, “Nyɔmtsɛ, jije po o yaa?” Yesu he nɔ ke, “He nɛ i yaa a, amlɔ nɛ ɔ lɛɛ o be ye se nyɛe maa nyɛɛ; se pee se ɔ, o ma ba nyɛɛ ye se.”

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;