La 24:2 - BAIBLO ALOO NGMAMI KLƆUKLƆU Ɔ

² Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.

La 24:2 ပူးပေါင်းရင်းမြစ်များ

Mose I, 8:22

Ligbi abɔ nɛ je ɔ ngɛ nɛ ɔ, ní dumi kɛ ní kpami be, fĩɛ be kɛ latsa be, gbo kɛ gbiɛ, nyɔ kɛ pia se be poe gblegbleegble.”

Hiob 38:4

Benɛ i to je ɔ sisi ɔ, jije o ngɛ? Ke o le ɔ, ha mi heto.

La 136:6

Lɛ nɛ e ngɔ zugba a kɛ ha nyu ɔ hɛ mi; ejakaa e suɔmi ɔ ngɛ kɛ yaa neneene!

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 95:4

E yeɔ je ɔ tsuo nɔ, kɛ je je ɔ sisi he nɛ kuɔ pe kulaa kɛ ya siɔ yohi a yi mi piɔpiɔɔpiɔ.

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.