La 24:1 - BAIBLO ALOO NGMAMI KLƆUKLƆU Ɔ

¹ Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

La 24:1 ပူးပေါင်းရင်းမြစ်များ

La 89:11

O níhi ji hiɔwe ɔ kɛ zugba a tsuo; mo lɛ o bɔ je ɔ kɛ e mi níhi tsuo.

1 Korintobi 10:26

Ejakaa ngmami ɔ ke, “Je ɔ, kɛ e mi níhi tsuo ɔ, Nyɔmtsɛ ɔ nɔ́.”

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

Mose V, 10:14

Yawɛ, nyɛ Mawu ɔ nɔ́ ji hiɔwe ploplooplo ɔ tsuo, zugba a, kɛ nɔ́ tsuaa nɔ́ nɛ ngɛ zugba a nɔ ɔ.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

La 50:12

“Ke hwɔ ngɛ mi yee ɔ, i be nyɛ dee, ejakaa ye nɔ́ ji je ɔ kɛ e mi nɔ́ tsuaa nɔ́.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

La 98:7

Wo, kɛ o mi níhi tsuo, nyɛɛ wo gbi! Je ɔ, kɛ níhi tsuo nɛ ngɛ mi, nyɛ la!

Kronika I, 29:16

Yawɛ, wa Mawu lee, níhi babauu nɛ wa ngɔ kɛ ba nɛ a kɛ po we ha mo, konɛ a kɛ wo o biɛ klɔuklɔu ɔ hɛ mi nyami ɔ, o dɛ mi a je, o níhi ji tsuo kulaa.

Kronika II, 25:9

Amazia bi gbalɔ ɔ ke, “Lɛɛ sika hiɔ nɛ jiɔmi ji kilo akpe etɛ kɛ e nya lafa eywiɛ nɛ i ngɔ kɛ ha Israel tabo ɔ, mɛni wa maa pee ngɛ he?” Gbalɔ ɔ he nɔ ke, “Yawɛ ma nyɛ ma ha mo nɔ́ nɛ hiɛ pe ja!”

Hiob 34:13

Mɛnɔ nɛ ha Mawu e he wami ɔ? Mɛnɔ nɛ tu je ɔ tsuo kɛ wo e dɛ mi?

Hiob 41:3

Anɛ e ma kpa mo pɛɛ ke o ngmɛɛ e he lo? Anɛ e maa fa kue ha mo ke o na lɛ mɔbɔ lo?

La 50:10

Ejakaa pu mi lohwehi, kɛ lohwehi nɛ ngɛ yokuhi tsuo a nɔ ɔ, ye níhi ji mɛ.

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.