La 22:8 - BAIBLO ALOO NGMAMI KLƆUKLƆU Ɔ

⁸ A deɔ ke, “Tse e ke e ngɔ e hɛ kɛ fɔ Yawɛ nɔ? Yawɛ nɛ he e yi wami koo? Ke Yawɛ suɔ lɛ ɔ, mɛni he je e ba píɛ we e he?”

La 22:8 ပူးပေါင်းရင်းမြစ်များ

Hiob 16:4

Níhi nɛ nyɛ ngɛ dee nɛ ɔ, imi hu i ko de ja nɔuu. I ko mimiɛ ye yi, nɛ ma ha nyɛ munyu nguahi.

La 109:25

I pee ahlua bɔmi nɔ́ ha ye nya poli ɔmɛ. Ke a na mi kikɛ nɛ ɔ, a mimiɛɔ a yi kɛ yeɔ ye he fɛu.

La 18:19

E ngɔ mi kɛ ba he nɛ he jɔmi ngɛ. E he ye yi wami, ejakaa e suɔ mi.

La 37:5

Ngɔɔ o he kɛ ha Yawɛ; ngɔɔ o hɛ kɛ fɔ e nɔ, nɛ e maa piɛ o he.

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

La 71:11

a deɔ ke, “Mawu je e se; waa fie lɛ nɛ waa nu lɛ, ejakaa nɔ ko nɔ ko be nɛ ma kpɔ lɛ ngɛ wa dɛ.”

La 91:14

Bɔ nɛ Mawu ngɛ dee ji nɛ ɔ nɛ: “Nɔ nɛ suɔ mi, nɛ e le ye biɛ Yawɛ ɔ, ma he e yi wami, nɛ ma bu e he.

Abɛ Womi 16:3

Ke o ma tsu nɔ́ ko ɔ, ha nɛ Yawɛ nɛ gbaa o yi mi tomi ɔ nɔ. Ke o pee ja a, e maa hi ha mo.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”