La 22:7 - BAIBLO ALOO NGMAMI KLƆUKLƆU Ɔ

⁷ Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

La 22:7 ပူးပေါင်းရင်းမြစ်များ

Marko 15:29

Nihi nɛ bee ɔ tu musu bɔmi munyuhi kɛ si Yesu. A mimiɛ a yi, nɛ a de ke, “Ei, mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ!

La 109:25

I pee ahlua bɔmi nɔ́ ha ye nya poli ɔmɛ. Ke a na mi kikɛ nɛ ɔ, a mimiɛɔ a yi kɛ yeɔ ye he fɛu.

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Marko 15:20

Benɛ a ye e he fɛu se ɔ, a je tade he jua wawɛ tsutsuutsu ɔ ngɛ e he, nɛ a ngɔ lɛ nitsɛ e tade ɔmɛ ngɔ wo lɛ; nɛ a kɛ lɛ ho nɛ a ya sɛu lɛ.

Mateo 27:29

A pee mio jlasi ngɔ fi e yi, nɛ a ngɔ tso ha lɛ nɛ e hɛɛ ngɛ e hiɔ nine mi. Kɛkɛ nɛ a kpla si ngɛ e hɛ mi, nɛ a ye e he fɛu ke, “Wa nga mo oo, Yuda bi a matsɛ!”

La 44:14

O ha wa plɛ pee abɛ bumi nɔ́ ha je ma amɛ; Wa pee muɔ nɔ́ ha mɛ.

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Mateo 9:24

e de mɛ ke, “Nyɛɛ je hiɛ ɔ! Yiheyo ɔ gbo we; mahe kɛkɛ lɛ e ngɛ hwɔe.” Kɛkɛ nɛ ni ɔmɛ muɔ lɛ.

Yesaya 57:4

Mɛnɔ he fɛu nyɛ ngɛ yee ɔ? Nyɛ lakpatsɛmɛ, yayami peeli a bimɛ, mɛnɔ he nyɛ pa nyɛ nya mi hatoo, nɛ nyɛ je nyɛ lilɛ kpo bilaa kɛ wo ɔ?

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

La 31:18

Lakpatsɛmɛ, kɛ he nɔ woli, kɛ nɔ he guɛ gbeli nɛ tuɔ munyu yaya kɛ siɔ dali ɔ, ha nɛ mɛ tsuo a ma a nya.

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

Hiob 16:4

Níhi nɛ nyɛ ngɛ dee nɛ ɔ, imi hu i ko de ja nɔuu. I ko mimiɛ ye yi, nɛ ma ha nyɛ munyu nguahi.

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.