La 22:5 - BAIBLO ALOO NGMAMI KLƆUKLƆU Ɔ

⁵ A fa kue ha mo, nɛ o he a yi wami. A ngɔ a hɛ kɛ fɔ o nɔ, nɛ a pia we a he kaa a pee ja.

La 22:5 ပူးပေါင်းရင်းမြစ်များ

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

La 106:44

Se kɛ̃, benɛ e nu nɛ a ngɛ ngmlaa kpae ɔ a ní pee lɛ mɔbɔ.

La 71:1

Yawɛ, o ngɔ nɛ i ba sa we ngɛ nɛ ɔ nɛ; ko ha nɛ ye hɛ mi nɛ pue si kɔkɔɔkɔ.

La 31:1

Yawɛ, i ba sa we ngɛ o ngɔ; ko ha nɛ zo nɛ gbe mi. Mo he ye yi wami, ejakaa dalɔ ji mo.

Manyadali 6:6

Midian bi ɔmɛ pee Israel bi ɔmɛ posoposo; nɛ Israel bi ɔmɛ fa kue ha Yawɛ.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

Yeremia 50:7

Nɔ tsuaa nɔ nɛ maa na mɛ ɔ ma tua mɛ. Nɔ́ nɛ a he nyɛli ɔmɛ deɔ ji ‘Wɔɔ lɛɛ wa tɔ we. Mɛ lɛ a pee yayami kɛ si Yawɛ, Mawu dami sane yelɔ ɔ nɛ a nɛmɛ ɔmɛ ngɔ a hɛ ngɔ fɔ e nɔ ɔ.’

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.