La 22:29 - BAIBLO ALOO NGMAMI KLƆUKLƆU Ɔ

²⁹ He nɔ woli tsuo ma ba kpla si ha lɛ. Niinɛ, nimli adesahi tsuo ma ba kpla si ngɛ e nane nya.

La 22:29 ပူးပေါင်းရင်းမြစ်များ

Filipibi 2:10

Kɛkɛ ɔ, he tsuaa he nɛ a maa wo e biɛ ta ngɛ ɔ, nihi nɛ ngɛ hiɔwe, kɛ ni nɛmɛ nɛ ngɛ zugba a nɔ, kɛ ni nɛmɛ nɛ ngɛ zugba a sisi ɔ, mɛ tsuo a ma kpla si ha Yesu,

La 45:12

Tiro ma mi bi ɔmɛ maa ngɔ nike ní kɛ ba sa o hɛ mi.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

La 113:7

E woɔ humi bi nɔ kɛ jeɔ zu mi; e woɔ ohiatsɛ nɔ kɛ jeɔ kuku nɔ,

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Kpojemi 21:24

Nimli tsuo nɛ ngɛ je ɔ mi ɔ maa nyɛɛ ngɛ la a mi, nɛ zugba a nɔ matsɛmɛ ɔmɛ maa ngɔ a hɛ mi nyami babauu ɔ kɛ ba ma a mi.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 29:4

Yerusalem maa pee kaa kpade ko nɛ ngɛ mɔde bɔe kaa e maa tu munyu kɛ je zu mi lokoo; e gbi ɔ maa pee kaa gugwɔ mi gbi.

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

La 78:31

Mawu mi mi fu mɛ wawɛɛ nitsɛ, nɛ e gbe a kpɛti katsɛmɛ ɔmɛ nɛ ji Israel nihewi kpakpa amɛ.

La 73:7

Yayami hyi a tsui mi; daa nɛ ɔ, a ngɛ ga yaya toe.

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.