La 22:26 - BAIBLO ALOO NGMAMI KLƆUKLƆU Ɔ

²⁶ Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

La 22:26 ပူးပေါင်းရင်းမြစ်များ

La 69:32

Ke nɔ́ nali na a, a bua maa jɔ. Nyɛ ni nɛmɛ nɛ nyɛ ngɛ Mawu se blɔ hlae ɔ, nyɛ nɔ gbagba nɛ te.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

La 40:16

Se nihi tsuo nɛ hlaa o se blɔ ɔ, ha nɛ a nya, nɛ a na bua jɔmi. Ni nɛmɛ nɛ suɔ kaa o he a yi wami ɔ, ha nɛ a de daa ke, “Yawɛ kle!”

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

La 107:9

Nihi nɛ kuma ye mɛ ɔ, e ha mɛ nyu nɛ a nu; ni nɛmɛ nɛ hwɔ ye mɛ ɔ, e ha mɛ ní nɛ a ye nɛ a tɔ.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

La 40:10

Kikɛmɛ a yi wami hemi munyu nɛ ɔ, i ngɔɛ kɛ to we imi nɔ kake too ye yi mi. Daa nɛ ɔ, i jajeɔ ke o yeɔ anɔkuale; i deɔ ke o heɔ nɔ yi wami. O suɔmi, kɛ o we anɔkuale yemi ɔ, i ngɔɛ kɛ laa we o ma kpekpemi ɔ.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 116:14

Ma ye ye siwo nɔ ha Yawɛ ngɛ ma kpekpemi ɔ tsuo hɛ mi.

La 116:18

Ma ye ye siwo ɔ nɔ ha mo ngɛ mo Yawɛ, o we klɔuklɔu ɔ ngɛ Yerusalem, ngɛ ma kpekpemi ɔ tsuo a hɛ mi. A je Yawɛ yi!

Yona 2:10

Kɛkɛ nɛ Yawɛ fa lo ɔ ke e ya vie Yona ngɔ fɔ wo ɔ nya; nɛ e pee ja.