La 22:23 - BAIBLO ALOO NGMAMI KLƆUKLƆU Ɔ

²³ Nyɛ nɛ nyɛ yeɔ Yawɛ gbeye, nyɛ je e yi. Nyɛ Yakob nina tsuo, nyɛɛ wo e hɛ mi nyami. Nyɛ Israel ma, nyɛɛ ye lɛ gbeye.

La 22:23 ပူးပေါင်းရင်းမြစ်များ

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Luka 1:50

E naa nihi nɛ buɔ lɛ ɔ mɔbɔ yi nɔhi tsuo.

La 115:11

Nyɛ nihi nɛ nyɛ yeɔ Yawɛ gbeye, nyɛɛ ngɔ nyɛ hɛ kɛ fɔ Yawɛ nɔ. Lɛ ji nyɛ he piɛlɔ, kɛ nyɛ yi baalɔ.

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Luka 2:20

To hyɛli ɔmɛ kpale a se kɛ ho. Benɛ a yaa a tsuo a ngɛ lae kɛ ngɛ Mawu yi jee ngɛ níhi nɛ a nu, kɛ níhi nɛ a na a he. Nɔ́ nɛ bɔfo ɔ sɛɛ ha mɛ ɔ, lɔ ɔ tutuutu nɛ a ya na a nɛ.

Yesaya 25:3

Mahi nɛ a he wa saminya a ma je o yi; Yiwutsotsɛmɛ ngɛ a ma amɛ a mi tsuo maa ye mo gbeye.

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

La 115:13

E maa gbaa nihi tsuo nɛ yeɔ lɛ Yawɛ ɔ gbeye, ni wawihi kɛ ni nguahi tsuo.

La 106:5

Ha nɛ ma na bɔ nɛ o ma mi bi ɔmɛ a he mi jɔ mɛ ha, konɛ bua jɔmi nɛ ba ma a mi ɔ, imi hu ma piɛ a he kɛ nya.

La 86:12

Nyɔmtsɛ, ye Mawu, ma je o yi kɛ ye tsui tsuo, nɛ o he wami kpetekpleenyɛ ɔ, ma wo ta daa.

La 33:8

Je ɔ tsuo, nyɛɛ ye Yawɛ gbeye! Nyɛ nimli adesahi tsuo, nyɛɛ wo e hɛ mi nyami!

La 22:30

Yi nɔhi nɛ maa ba hwɔɔ se ɔ ma sɔmɔ lɛ. Nihi maa sɛɛ Nyɔmtsɛ ɔ he ní kɛ ha hwɔɔ se bimɛ.

La 26:12

Ma je Yawɛ yi ngɛ ma a tsuo hɛ mi; ejakaa i ye ye he kɛ je amanehluhi tsuo a mi.

La 35:18

Ma na mo si, nɛ ma je o yi ngɛ o ma kpekpemi ɔ tsuo a hɛ mi.

La 109:30

Ma pa ye nya mi ma la kɛ na Yawɛ si saminya. Ma je e yi ngɛ ma kpekpemi ɔ hɛ mi.

La 111:1

A je Yawɛ yi! Ma na Yawɛ si kɛ ye tsui tsuo ngɛ nihi nɛ peeɔ nɔ nɛ da a gua a mi.