La 22:21 - BAIBLO ALOO NGMAMI KLƆUKLƆU Ɔ

²¹ Mo je mi kɛ je jata nɛ ɔmɛ a nya mi; i be pu mi na ku nɛ ɔmɛ a nya nyɛe ma da.

La 22:21 ပူးပေါင်းရင်းမြစ်များ

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Mose IV, 23:22

Mawu ji nɔ nɛ je mɛ kɛ je Egipt. Israel he wami ngɛ kaa na ku he wami.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 8:59

Kɛkɛ nɛ a kukuɔ tɛ nɛ a maa fia Yesu, se e laa e he, nɛ e je sɔlemi we ɔ.

Yesaya 34:7

Nimli ɔmɛ ma gbo kaa pu mi nahi, kɛ na ku katsɛmɛ. Zugba zu ɔ maa pee tsutsuutsu kɛ muɔ, nɛ zɔ ɔ ma futu zu ɔ tsɔfii.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

La 35:17

Yawɛ, o maa hi nɔ́ nɛ ɔ hyɛe kɛ yaa si mɛni be! Jé mi kɛ je kikɛmɛ a ogbetee nɛ ɔmɛ a dɛ mi! Ko ha nɛ a kpata ye hɛ mi!