La 22:16 - BAIBLO ALOO NGMAMI KLƆUKLƆU Ɔ

¹⁶ Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

La 22:16 ပူးပေါင်းရင်းမြစ်များ

Yohane 19:37

Nɛ jehanɛ ɔ, ngmami kpa hu deɔ ke, “A maa hyɛ nɔ nɛ a gbɔ lɛ nɔ́ ɔ.”

Mateo 27:35

Kɛkɛ nɛ a sɛu lɛ, nɛ a fɔ sɔ kɛ dla e tade ɔmɛ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yohane 20:25

Lɔ ɔ he ɔ, kaseli kpa amɛ de lɛ pee se ke, “Wa na Nyɔmtsɛ ɔ!” Se Toma de mɛ ke, “Ja i na e dɛ mi plɛɛko pa amɛ nɛ i kɛ ye nine nguɛ slaa a nya, nɛ i ngɔ ye nine hɔ e kasa mi ɔ hulɔ loko ma he ye.”

Yohane 19:23

Benɛ ta buli ɔmɛ sɛu Yesu se ɔ, a ngɔ e tade ɔmɛ, nɛ a dla mi eywiɛ ngɔ ha a he kakaaka. A ngɔ tade klɔii ɔ hulɔ; se tade klɔii ɔ lɛɛ a lo kɛ je hiɔwe ba ma si, nɛ e be tsami he.

Marko 15:24

A sɛu lɛ, nɛ a fɔ e tade ɔmɛ a nɔ sɔ, nɛ a dla kɛ ha a he.

Yohane 19:34

Mohu ta buli ɔmɛ a ti nɔ kake kɛ e we akplɔ ɔ gbɔ Yesu kasa mi; nɛ amlɔ ɔ, muɔ kɛ nyu je mi kɛ be.

Luka 23:33

Benɛ a su he nɛ a tsɛɛ “Yikoklodonya a”, a sɛu Yesu, kɛ yayami peeli enyɔ ɔmɛ ngɛ lejɛ ɔ; nɔ kake ngɛ e hiɔ nɔ, nɛ nɔ kake hu ngɛ e muɔ nɔ. [

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Luka 23:23

Se a ya nɔ kpa ngmlaa wawɛɛ ke Pilato nɛ ha nɛ a sɛu Yesu. Ngmlaa nɛ ngɛ pɛe ɔ, nɔ́ ko nɔ́ ko hí peemi ngɛ he.

Yesaya 53:5

A plaa lɛ ngɛ wa yayami ɔmɛ a he, a fiaa lɛ ní ngɛ wa tɔmi ɔmɛ a he, a gbla e tue, konɛ wa na he jɔmi, a wo e he pa, konɛ wɔɔ lɛɛ wa na tsami.

La 22:20

Mo je mi kɛ je klaate nya. Mo he ye yi wami kɛ je gbe nɛ ɔmɛ a dɛ mi.

La 22:1

Ye Mawu, ye Mawu, mɛni he je o kua mi? Mɛni he je i ngɛ awe nyae nɛ o daa si ngɛ se, nɛ o bɛ nɛ o ba je ngmlaa ha mi ɔ?

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

La 59:6

Daa gbɔkuɛ ɔ, a kpaleɔ kɛ baa kɛ ngmlaa kaa gbehi kɛ ba kpaa ma a mi tsuo.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

La 86:14

Mawu, he woli, yiwutsotsɛmɛ, kɛ nihi nɛ li mo te si wo mi, nɛ a ngɛ hlae nɛ a gbe mi.

Mateo 26:57

Ni nɛmɛ nɛ nu Yesu ɔ ngɔ lɛ kɛ ya Kayafa, osɔfo nɔkɔtɔma pe kulaa a ngɔ, he nɛ mlaa tsɔɔli ɔmɛ, kɛ ma nimeli ɔmɛ ya bua a he nya ngɛ ɔ.

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

La 59:14

Daa gbɔkuɛ ɔ, ye he nyɛli ɔmɛ kpaleɔ kɛ baa kɛ ngmlaa kaa gbehi, nɛ a ba kpaa ma a mi tsuo.

La 38:11

Ye hiɔ ɔ he je ɔ, ye suɔli, kɛ ye huɛmɛ bɛ ye kasa nya. Ye nyɛmimɛ tete po, se lokoo a daa.