La 22:15 - BAIBLO ALOO NGMAMI KLƆUKLƆU Ɔ

¹⁵ Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

La 22:15 ပူးပေါင်းရင်းမြစ်များ

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

La 69:21

A ha mi duɔ ngɛ niye ní nane mi; nɛ benɛ kuma ngɛ mi yee ɔ, a ha mi dã nɛ kuã ke ma nu.

La 38:10

Ye tsui ngɛ fiae kpla, kpla! Ye he wami ta, nɛ ye hɛngmɛ hu miɔ nɛ e ma yu.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

Mateo 27:50

Yesu kpa ngmlaa wawɛɛ ekohu; kɛkɛ nɛ e ma nya.

Abɛ Womi 17:22

Ke nɔ ko bua jɔ e he be tsuaa be ɔ, e ngɛ kaa tsopa nɛ haa nɔ he wami. Se daa nɛ ke nɔ pee vii ɔ, e ngɛ lɛ nitsɛ e he gbee.

Hiob 29:10

Odehehi tete a lilɛ maa mɛtɛ a nya mi, nɛ a maa pee dii.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Kɔmɔ Yemi 4:4

Kuma gbe bimwɔwi; a ngɛ a nya mi lɔe kɛ ngɛ nyu hlae. Jokuɛwi ngɛ pɛɛ kpae ke a ha mɛ niye ní; se nɔ ko nɔ ko ha we mɛ.

La 30:9

Ke i gbo nɛ a pu mi ɔ, mɛni se o ma na? Anɛ zu ma nyɛ ma je o yi lo? O we anɔkuale yemi ɔ, anɛ zu ma nyɛ maa ye he odase lo?

Hiob 34:15

nimli adesahi tsuo ma gbo, nɛ a ma plɛ pee tabo zu ekohu.

Hiob 10:9

Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Hiob 19:20

I ta he lo nɛ i pee kanyakanya; i kɛ gbenɔ wa kpɛti kɛ we kulaa.

Hiob 30:16

Amlɔ nɛ ɔ, ye gbenɔ be su ta; jehanɛ lɛɛ, ye haomi ɔ nya ba wa tsɔ.