La 22:14 - BAIBLO ALOO NGMAMI KLƆUKLƆU Ɔ

¹⁴ Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 22:14 ပူးပေါင်းရင်းမြစ်များ

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

La 31:10

Kɔmɔ yemi babauu ha nɛ ye he wami ta. Ya fomi po ye wami be ɔ nɔ kpiti. Ye he yayami ɔmɛ ha nɛ i gbɔjɔ, nɛ ye wuhi tete po pee hiɔ.

Hiob 23:16

Mawu ha nɛ ye nine mi jɔ̃; Ope ɔ wo ye he gbeye.

Yoshua 7:5

Ai bi ɔmɛ wo mɛ fo kɛ je ma a agbo ɔ nya kɛ ya su he nɛ a gbaa tɛ ngɛ ɔ, nɛ a gbe Israel bi ɔmɛ maa pee nihi nyingmi etɛ kɛ ekpa benɛ a ngɛ si kplee ɔ. Nɛ e pee ja a, Israel ma a tsui po, nɛ a he jɔ kaa nyu.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

La 68:2

Fie mɛ kɛ ya se lokoo kaa bɔ nɛ kɔɔhiɔ ngɔɔ la su ku kɛ yaa a. Yiwutsotsɛmɛ a hɛ mi nɛ kpata ngɛ Mawu hɛ mi kaa bɔ nɛ hwo gbaku sileɔ ngɛ la he ɔ.

La 22:17

Ye wuhi tsuo pɛpɛɛpɛ je kpo. Nimli yayami ɔmɛ muɔ a hɛngmɛ ngɔ pue ye nɔ, nɛ a ngɛ ye he fɛu yee.

Hiob 30:16

Amlɔ nɛ ɔ, ye gbenɔ be su ta; jehanɛ lɛɛ, ye haomi ɔ nya ba wa tsɔ.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Mateo 26:38

nɛ e de mɛ ke, “Aywilɛho nɛ nya wa miɔ nɛ e maa gbe mi; nyɛɛ hi si ngɛ hiɛ ɔ nɛ nyɛɛ kɛ mi nɛ fɔ nyɔ.”

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

La 35:21

A gbɛɔ a nya mi hatoo kɛ woɔ mi, nɛ a deɔ ke, “Ɛhɛɛ, wa na lɛ paa kɛ wɔ nitsɛmɛ wa hɛngmɛ.”

Kɔmɔ Yemi 3:46

“Wa he nyɛli ɔmɛ tsuo ngɛ munyu tue kɛ ngɛ wɔ sie.