La 21:3 - BAIBLO ALOO NGMAMI KLƆUKLƆU Ɔ

³ O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

La 21:3 ပူးပေါင်းရင်းမြစ်များ

Samuel II, 12:30

David je jlasi ɔ nɛ ngɛ Amon bi ɔmɛ a we amaga Milkon ɔ yi, nɛ lɛ nitsɛ e bu. Jlasi ɔ jiimi maa pee sika tsu kilo nyingmi etɛ kɛ enuɔ jiimi; nɛ tɛ nɛ he jua wa ngɛ mi. David ngɔ ta yibu ní babauu nitsɛ kɛ je ma a mi kɛ ba.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

La 59:10

Ye Mawu nɛ e suɔmi be nyagbe ɔ ma ba kpee mi. Ye Mawu ɔ ma ha nɛ ma na ye he nyɛli ɔmɛ nɛ a gbe mɛ kɛ pueɔ si.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Kronika I, 20:2

Amon bi ɔmɛ a we amaga a nɛ a tsɛɛ lɛ Milkon ɔ ngɛ sika tsu jlasi ko; jlasi ɔ jiimi maa pee sika tsu kilo nyingmi etɛ kɛ eywiɛ, nɛ tɛ nɛ he jua wa ngɛ mi. David je tɛ nɛ ɔ kɛ wo lɛ nitsɛ e jlasi ɔ mi. Jehanɛ, e ngɔ ta yibu ní babauu nitsɛ hulɔ kɛ je ma a mi.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Romabi 11:35

Mɛnɔ ha lɛ nɔ ko hyɛ, nɛ e hia kaa e to lɛ nane mi?”

Kpojemi 19:12

E hɛngmɛ ngɛ kaa la lilɛ, nɛ jlasi babauu fi e yi. A ngma biɛ ko ngɛ e nɔmlɔ tso ɔ he ko; se nɔ ko nɔ ko li nɔ́ nɛ ji, ja lɛ pɛ.

La 18:18

A ba tua mi ngɛ ye haomi ligbi ɔ nɔ, se Yawɛ hede ha mi.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 2:4

Pee se ɔ, Yuda ma nimeli ɔmɛ ba Hebron ba pɔ David nu nɛ a wo lɛ Yuda matsɛ. Benɛ David nu kaa Yabesh Gilead bi ɔmɛ ya pu Saul ɔ,

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

La 20:5

Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.