La 21:1 - BAIBLO ALOO NGMAMI KLƆUKLƆU Ɔ

¹ Yawɛ, matsɛ ɔ bua jɔ e he, ejakaa o ha lɛ he wami. Matsɛ ɔ ngɛ nyae, ejakaa o ha nɛ e ye kunimi.

La 21:1 ပူးပေါင်းရင်းမြစ်များ

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

La 62:7

Mawu pɛ ji nɔ nɛ he ye yi wami. Lɛ pɛ lɛ e maa wo ye hɛ mi nyami. Mawu ji ye he wami kpetekpleenyɛ. Lɛ ji ye wesa he.

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

La 95:1

Nyɛɛ ba nɛ wa la kɛ je Yawɛ yi; nyɛ ha nɛ wa he ose kɛ ha Mawu, nɔ nɛ buu wa he ɔ.

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

La 63:11

Se matsɛ ɔ ma nya saminya; ejakaa Mawu haa e yeɔ kunimi. Nɔ tsuaa nɔ nɛ kɛ Mawu biɛ kaa kita a ma je Mawu yi boboobo, se lakpatsɛmɛ lɛɛ a ma ma a nya.

La 20:9

Yawɛ, mo he matsɛ ɔ yi wami; ke wa tsɛ mo ɔ, bu wɔ tue.