La 20:9 - BAIBLO ALOO NGMAMI KLƆUKLƆU Ɔ

⁹ Yawɛ, mo he matsɛ ɔ yi wami; ke wa tsɛ mo ɔ, bu wɔ tue.

La 20:9 ပူးပေါင်းရင်းမြစ်များ

La 5:2

Ye matsɛ kɛ ye Mawu! I ngɛ mo tsɛe! Bu mi tue koo!

La 44:4

Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.

Mateo 21:15

Osɔfo nikɔtɔma amɛ na nyakpɛ níhi nɛ Yesu pee ngɛ sɔlemi we ɔ. A na bɔ nɛ jokuɛwi hu ngɛ lele hwɔe ngɛ lejɛ ɔ nɛ a ngɛ dee ke, “A je David Bi ɔ yi!” Kɛkɛ nɛ a mi mi fu,

La 74:12

Se Mawu, kɛ je blema lokoo ɔ, mo ji wa matsɛ; o he wa yi wami be babauu.

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

La 24:7

Nyɛ bli agbo ɔmɛ ngɔ fɔ si gbajaa. Nyɛ bli blema agbo ɔmɛ ngɔ fɔ si, konɛ matsɛ ngua a nɛ ba.

La 17:6

Mawu, i ngɛ kue fae kɛ ngɛ mo hae, ejakaa i le kaa o maa pee ye hiami ní ɔmɛ ha mi. Lɛɛ mo plɛ o hɛ mi kɛ kpee mi mɔ, konɛ o nu ye munyu ɔmɛ.

La 3:7

Yawɛ, ye Mawu, ba he ye yi wami koo! Ejakaa mo lɛ o ma nyɛ maa fia ye he nyɛli ɔmɛ tsuo ní. Mo lɛ o ma nyɛ maa gbla a tue nɛ a be nyɛe maa pee mi nɔ́ ko.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.