La 20:8 - BAIBLO ALOO NGMAMI KLƆUKLƆU Ɔ

⁸ Mɛɛ a ma tɛ nɔ, nɛ a maa nɔɔ si, se wɔɔ lɛɛ wa maa te kɛ da si kɛ he wami.

La 20:8 ပူးပေါင်းရင်းမြစ်များ

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Yoshua 11:4

Matsɛmɛ nɛ ɔmɛ hia ta kɛ a tabo ɔmɛ, kɛ a we okpɔngɔ ɔmɛ, kɛ a ta zugba lɛ ɔmɛ tsuo pɛpɛɛpɛ. A hiɛ babauu kaa wo nya zia.

Samuel I, 17:45

David de Filisti no ɔ ke, “Moo lɛɛ o kɛ klaate, akplɔ, kɛ kɛ̃ɛ̃ ma ye ngɔ; se imi lɛɛ i ma ngɛ Yawɛ Tabohiatsɛ, Israel tabo ɔmɛ a Mawu ɔ nɛ o ngɛ lɛ ahlua bɔe ɔ biɛ mi.

Matsɛmɛ II, 19:23

O tsɔ o tsɔli kɛ ba ye Yawɛ he fɛu nɛ o de ke, ‘I ngɔ ye ta zugba lɛhi babauu kɛ kuɔ yoku ɔmɛ kɛ ya su Lebanon tɔɔ. I poo Lebanon seda tso gagaá amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Kronika II, 14:10

Asa hia nɛ e kɛ lɛ ya kpe, nɛ tabo enyɔ ɔmɛ tsuo ya bua ngɛ Zefata kɔ̃ ɔ mi, ngɛ Maresha kasa nya.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

La 33:17

Ke o ngɔ o hɛ ngɔ fɔ ta okpɔngɔ nɔ ɔ, e maa pee yaka. Ta okpɔngɔ kɛ e he wami babauu ɔ be nyɛe ma he o yi wami.

La 124:8

Yawɛ, hiɔwe kɛ zugba bɔlɔ ɔ ji nɔ nɛ piɛɔ wa he.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!