La 2:7 - BAIBLO ALOO NGMAMI KLƆUKLƆU Ɔ

⁷ Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 2:7 ပူးပေါင်းရင်းမြစ်များ

Samuel II, 7:14

Ma pee e tsɛ, nɛ e maa pee ye bi. Ke e pee nɔ́ nɛ dɛ ɔ, ma gbla e tue kaa bɔ nɛ tsɛ gblaa e bi tue ɔ.

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

La 148:6

E ngɔ mɛ ngɔ ma si kɛ yaa neneene. E wo huzu ha mɛ, nɛ a be hanee.

La 89:27

Imi hu ma ngɔ lɛ kɛ pee ye bitɛte; ma pee lɛ matsɛ nɛ kle pe je nɛ ɔ mi matsɛmɛ ɔmɛ tsuo.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 5:5

Jã nɔuu kɛ̃, hɛ mi nyami nɛ Kristo ná kaa osɔfo nɔkɔtɔma pe kulaa a, pi lɛ nitsɛ nɛ e ngɔ kɛ fɔ e nɔ. Mawu lɛ wo e hɛ mi nyami nɛ e de lɛ ke, “Ye Bi ji mo, mwɔnɛ ɔ, i fɔ mo.”

Hebribi 5:8

Mawu Bi ji lɛ mohu, se kɛ gu amanehlu nɛ e na a mi ɔ, e kase tue bumi.