La 2:12 - BAIBLO ALOO NGMAMI KLƆUKLƆU Ɔ

¹² Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 2:12 ပူးပေါင်းရင်းမြစ်များ

Mose I, 41:40

Ma ngɔ mo ngɔ to ye ma a nya, nɛ ma a tsuo maa bu mo tue; ye se ɔ, lɛɛ mo.”

Matsɛmɛ I, 19:18

Se kɛ̃ ɔ, i si gbali akpe kpaago hɛ ngmengmle ngɛ Israel nɛ mɛɛ a kpla we si kɛ ha we Baal, nɛ a fiɔ we e nya he hulɔ.”

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

La 109:20

Yawɛ, ye he nyɛli, kɛ nihi tsuo nɛ tuɔ munyu kɛ siɔ mi ɔ, wo mɛ hiɔ kikɛ nɛ ɔ nɔuu.

La 2:5

Jehanɛ, Yawɛ kɛ abofu ma kple a nɔ. E hɛ maa dɔ;

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

La 34:8

Nyɛɛ ka Yawɛ nɛ nyɛɛ hyɛ, nɛ nyɛ maa na kaa e hi. A gbaa nɔ nɛ ngɔɔ e hɛ kɛ fɔɔ e nɔ ɔ.

La 34:9

Nyɛ, Yawɛ ni klɔuklɔuhi, nyɛɛ ye lɛ gbeye. Ejakaa nihi nɛ yeɔ lɛ gbeye ɔ, nɔ́ ko nɔ́ ko hia we mɛ.

La 40:4

A gbaa nɔ nɛ ngɔɔ e hɛ kɛ fɔɔ Yawɛ nɔ, nɔ nɛ ya nyɛɛ we he nɔ woli a se, nɔ nɛ ya piɛ we amaga jali a he kɛ ja we lakpa mawuhi.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

Abɛ Womi 16:20

Bu nɔ́ nɛ a ngɛ mo tsɔɔe ɔ tue, nɛ e maa hi ha mo; ngɔɔ o hɛ ngɔ fɔ Yawɛ nɔ, nɛ o ma na bua jɔmi.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yeremia 17:7

“Se nɔ nɛ ngɔɔ e hɛ kɛ fɔɔ imi Yawɛ ye nɔ ɔ, ma gbaa lɛ.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Zefania 2:2

nɛ nyɛ ko ba ngla nɛ nyɛ gbo kaa dwɔmi nɛ Yawɛ mi mi fumi ɔ nɛ ba nyɛ nɔ, nɛ ligbi ɔ nɛ Yawɛ mi mi ma fu nyɛ ɔ nɛ e su.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

Efesobi 1:12

Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.