La 19:9 - BAIBLO ALOO NGMAMI KLƆUKLƆU Ɔ

⁹ Yawɛ gbeye yemi ɔ hi; e ngɛ kɛ yaa neneene. Ke Yawɛ kojo ɔ, anɔkuale sɔuu; niinɛ, e yeɔ dami sane be tsuaa be.

La 19:9 ပူးပေါင်းရင်းမြစ်များ

Samuel I, 12:24

Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.

La 119:142

Dalɔ ji mo, nɛ ja o ngɛ kɛ yaa neneene; o mlaa a, anɔkuale sɔuu.

La 119:1

A gbaa ni nɛmɛ nɛ piami ko be a he ngɛ a si himi mi, nihi nɛ baa a je mi ngɛ Yawɛ mlaa a nya.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

La 115:13

E maa gbaa nihi tsuo nɛ yeɔ lɛ Yawɛ ɔ gbeye, ni wawihi kɛ ni nguahi tsuo.

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Mose I, 42:18

Ligbi nɛ ji etɛ ɔ, Yosef de mɛ ke, “Imi lɛɛ i yeɔ Mawu gbeye; lɔ ɔ he ɔ, nɔ́ nɛ nyɛ maa pee kɛ he nyɛ yi wami ji nɛ ɔ nɛ.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Romabi 2:2

Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

La 119:7

Ke i kase o mlaa kpakpa nɛ ɔmɛ ɔ, ma je o yi kɛ tsui nɛ mi tsɔ.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

La 36:1

Yayami kɛ yiwutsotsɛ tuɔ munyu ngɛ e tsui mi tɔɔ. Mawu gbeye yemi ko kulaa be e mi.

La 10:5

Yayami peelɔ yeɔ manye ngɛ nɔ́ tsuaa nɔ́ mi. E nɛ kaa Mawu tue gblami ko ngɛ ha lɛ. E he nyɛli lɛɛ, pe e yeɔ a he fɛu.

Nehemia 5:15

Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.

Mose II, 21:1

“Jehanɛ, mlaahi nɛ o maa wo Israel bi ɔmɛ ji nɛ ɔmɛ nɛ.

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

La 147:19

E wo Israel mlaa, nɛ e tsɔɔ mɛ bɔ nɛ a ja Mawu ha.

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 119:62

Nyɔ mi kpɛti i teɔ si nɛ i naa mo si, ejakaa o mlaa amɛ da saminya.

La 119:39

Ahlua nɛ i ngɛ gbeye yee kaa a maa bɔ mi ɔ, ha nɛ e tsɔ ye he kɛ ho, ejakaa o mlaa amɛ hi.

La 12:7

Nimli yayamihi ngɛ he tsuaa he, nɛ nɔ tsuaa nɔ ngɛ nɔ́ yayami yi jee. Yawɛ, wa kpa mo pɛɛ! Mo je wɔ ngɛ kikɛmɛ a nimli a dɛ mi. Nɛ o bu wa he kɛ je yi nɔ nɛ ɔ kɛ ya neneene.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”