La 19:8 - BAIBLO ALOO NGMAMI KLƆUKLƆU Ɔ

⁸ Yawɛ mlaa amɛ da pɛpɛɛpɛ; nihi nɛ yeɔ nɔ ɔ, a naa bua jɔmi. Yawɛ mlaa a he tsɔ; e haa nɛ nɔ nuɔ níhi a sisi.

La 19:8 ပူးပေါင်းရင်းမြစ်များ

La 12:6

Yawɛ siwo ɔmɛ ɔ, anɔkuale sɔuu. A ngɛ kaa sika hiɔ nɛ a tsu he si kpaago ngɛ flɔɔnɔɔ mi.

La 119:105

O munyu ɔ ji kane nɛ i kɛ hyɛɔ ye nane nya; o munyu ɔ ji la nɛ haa ye blɔ mi tɛ̃ɔ.

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Abɛ Womi 30:5

“Ke Mawu wo si ɔ, e yeɔ nɔ. Mawu ngɛ kaa tsɛ̃i kɛ ha nihi tsuo nɛ hlaa e se blɔ.

La 119:128

Lɔ ɔ he ɔ, i buɔ o mlaa amɛ tsuo, se blɔhi nɛ dɛ ɔ lɛɛ i sume.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

La 119:92

Ke pi o mlaa a nɛ haa mi bua jɔmi ɔ, jinɛ ye hɛ mi kpata momo ngɛ ye amanehlu ɔ mi.

La 119:80

Ha nɛ ma ye o mlaa amɛ a nɔ sisiisi, konɛ zo ko gbe mi!

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Romabi 7:22

Ngɛ ye tsui mi ɔ, i suɔ Mawu mlaa a saminya.

Galatabi 2:19

Ngɛ mlaa a blɔ fa mi ɔ, i plɛ pee nɔ gbogboe, konɛ ma hi wami mi ha Mawu mohu. I kɛ Kristo a sɛu ɔ nɛ.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

La 119:16

Ye bua jɔɔ o mlaa amɛ a he; ye hɛ be o munyu ɔmɛ a nɔ jee.

La 119:14

Ye bua jɔɔ o mlaa amɛ a he pe ní nami babauu.

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

La 119:171

Ma je o yi daa; ejakaa o tsɔɔ mi o mlaa amɛ.

La 119:143

Ke i ngɛ haomi mi, nɛ i ngɛ kɔmɔ yee ɔ, o mlaa amɛ lɛɛ a haa nɛ ye bua jɔɔ saminya.

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

La 119:121

Nɔ́ nɛ da, kɛ nɔ́ nɛ sa lɛ i peeɔ, lɔ ɔ he ɔ, koo ngmɛɛ ye he ha nihi nɛ ngɛ mi yi mi wae ɔ.

La 119:40

Hyɛ kaa i suɔ o mlaa amɛ; ha mi wami he, ejakaa o peeɔ nɔ nɛ da.

La 119:12

Yawɛ, ma je o yi; tsɔɔ mi o mlaa amɛ.

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

La 13:3

Yawɛ, ye Mawu! Moo hyɛ mi, nɛ o ha mi heto. Ha mi nɔmlɔ tso he wami, konɛ ma ko gbo.

Mose II, 18:16

Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Mose I, 26:5

Ma gbaa mo, ejakaa Abraham bu mi tue, nɛ e ye ye mlaa amɛ, kɛ ye fami ɔmɛ tsuo a nɔ.”

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

La 119:54

O mlaa amɛ plɛ pee lahi nɛ i laa ngɛ ye wami be kpiti nɛ ɔ mi ngɛ je ɔ mi.

La 119:24

O mlaa amɛ jɔɔ ye bua; mɛ nɔuu ji ye ga woli.

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

Nehemia 8:12

Kɛkɛ nɛ ma a tsuo ho a we ɔmɛ a mi ya. A ya ngmɛ okplɔɔ nɛ a kɛ a sibi ye ní kɛ bua jɔmi, ejakaa a nu nɔ́ nɛ a kane ha mɛ ɔ sisi saminya.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Matsɛmɛ II, 17:37

Mlaa slɔɔtohi nɛ i ngma ha nyɛ ɔ, nyɛɛ ye a nɔ daa. Nyɛ ko ja mawu kpahi;

La 93:5

Yawɛ, o mlaa amɛ ngɛ kɛ yaa neneene; klɔuklɔu peemi sa o we ɔ daa.

La 111:7

E yeɔ anɔkuale kɛ dami sane ngɛ níhi tsuo a mi; nɛ e mlaa amɛ ɔ, anɔkuale sɔuu.