La 19:11 - BAIBLO ALOO NGMAMI KLƆUKLƆU Ɔ

¹¹ Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

La 19:11 ပူးပေါင်းရင်းမြစ်များ

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Abɛ Womi 29:18

Ma nɛ kɛ e hɛ fɔɛ Mawu nɔ ɔ, e níhi peeɔ basaa. Nɔ nɛ yeɔ mlaa a nɔ ɔ, a gbaa lɛ.

Mateo 6:4

moo ke nɔ́ ngɛ laami mi. Kɛkɛ ɔ, o Tsɛ ɔ nɛ lɛɛ e naa níhi nɛ a peeɔ ngɛ laami mi ɔ maa wo mo hiɔ.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

Mateo 3:7

Benɛ Yohane na kaa Farisi bi, kɛ Saduki bi babauu ma e ngɔ nɛ e sɔle mɛ ɔ, e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu fo ngɛ tue gblami nɛ Mawu kɛ ma nyɛ nɔ ɔ nya.

1 Korintobi 4:14

I ngmɛ́ nyɛ ní nɛ ɔmɛ nɛ ma kɛ pue nyɛ hɛ mi si, se mohu nɛ ma kɛ tu munyu kɛ tsɔɔ nyɛ kaa imi nitsɛ ye bimɛ nɛ i suɔ.

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

Mateo 6:18

Ni kpahi nɛ a ko na kaa nyɛ ngɛ hwɔ hae, ja nyɛ Tsɛ nɛ a nɛ lɛ ɔ pɛ. Kɛkɛ ɔ, nyɛ Tsɛ ɔ nɛ naa nɔ́ nɛ a peeɔ ngɛ laami mi ɔ ma ha nyɛ nɔ́ nɛ ngɛ nyɛ hiae ɔ.

Abɛ Womi 11:18

Nɔmlɔ yayami ɔ, nɔ́ ko bɔbɔyoo kɛkɛ e naa kɛ jeɔ e yi wu tso ní peemi níhi a mi. Nɔ nɛ peeɔ nɔ́ nɛ da lɛɛ e nine suu hiɔwo kpakpa nɔ kɛ̃.

Kronika II, 19:10

Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

La 119:72

O mlaa a nɛ o ha mi ɔ hi ha mi pe je nɛ ɔ mi sika tsu, kɛ sika hiɔ babauu.

La 119:103

O mlaa a ngɔɔ loo! E ngɔɔ pe hwo tete po.

Abɛ Womi 24:14

jã kɛ̃ ji bɔ nɛ nile ngɛ kɛ ha o susuma. Ke o ná nile ɔ, e he maa ba se nami, nɛ hwɔɔ se ɔ, o hɛ nɔ kami be yaka pee.

Ezekiel 3:3

E de mi ke, “Nɔmlɔ adesa, yé womi kpo nɛ i ngɔ ha mo nɛ ɔ, nɛ o mi mi nɛ hyi tɔ.” I ye, nɛ e ngɔ ngɛ ye nya mi kaa hwo.