La 18:8 - BAIBLO ALOO NGMAMI KLƆUKLƆU Ɔ

⁸ La su ku hia kɛ je e gugwɔ puɔhi a mi; la nɛ ngɛ tsoe je e nya mi, nɛ hã nɛ tsɛ̃ je e mi.

La 18:8 ပူးပေါင်းရင်းမြစ်များ

La 21:9

Ke o je o he kpo ɔ, a hɛ mi ma kpata kaa nɔ́ nɛ flɔɔnɔɔ kɛ e mi la mi a ngɛ. Mo Yawɛ, o mi mi ma fu mɛ. O maa mii mɛ, nɛ la hu maa sã mɛ.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Mose III, 10:2

Tlukaa a, la je Yawɛ ngɔ ba sã mɛ, nɛ a gbo ngɛ lejɛ ɔ.

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

Kpojemi 11:5

Ke nɔ ko hla kaa e ye mɛ awi ɔ, la jeɔ a nya mi, nɛ e kpataa a he nyɛli ɔmɛ a hɛ mi; nɔ tsuaa nɔ nɛ ma hla kaa e ye mɛ awi ɔ, ja a gbe lɛ.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Hiob 41:19

La hii tsoe ngɛ e nya mi, nɛ la lilɛhi tuɔ kɛ jeɔ mi pueɔ si.

Yesaya 24:18

Nɔ tsuaa nɔ nɛ maa ma fo kɛ je gbeye ní ɔmɛ a he ɔ maa nɔ muɔ voo mi, nɛ nɔ nɛ be muɔ voo ɔ mi nɔe ɔ maa du klama. Hiɔmi maa nɛ piapiaapia, nɛ je ɔ sisi tomi ɔmɛ ma mimiɛ.