La 18:3 - BAIBLO ALOO NGMAMI KLƆUKLƆU Ɔ

³ Ma tsɛ Yawɛ, nɛ e ma je mi kɛ maa je ye he nyɛli a dɛ mi. A je Yawɛ yi!

La 18:3 ပူးပေါင်းရင်းမြစ်များ

Samuel II, 22:4

Ma fa kue ha Yawɛ; e ma kpɔ mi ngɛ ye he nyɛli a dɛ mi. A je Yawɛ yi.

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

La 144:1

Nyɛ je Yawɛ yi, lɛ ji ye yi baalɔ. E tsɔɔ mi bɔ nɛ a gbaa ta, kɛ bɔ nɛ a miaa kɛ hwuu ta.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 31:4

Mo ji ye wesa he; jé mi kɛ je klama nɛ a tsɔ mi ɔ mi.

La 48:1

Yawɛ kle, nɛ e sa kaa a je e yi saminya. A je e yi ngɛ wa Mawu ɔ ma a mi ngɛ yo klɔuklɔu ɔ nɔ.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 55:16

Se imi lɛɛ Yawɛ Mawu ɔ nitsɛ i ngɛ tsɛe, nɛ e ma he ye yi wami.

La 62:3

Kɛ yaa su mɛni be nyɛ tsuo nyɛ ma bla kɛ hao nɔ kake too kikɛ nɛ ɔ, nɔ nɛ ngɛ kaa gbogbo nɛ ku, nɛ miɔ nɛ e maa nɔ si ɔ?

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 71:3

Ye wesa he, kɛ ye he falɔ, moo bu ye he daa kaa tɛ sa, kɛ mɔ nɛ he wa.

La 76:4

Hyɛ bɔ nɛ o hɛ mi ba nyami; hyɛ bɔ nɛ o he ngɛ gbeye benɛ o gbe he nyɛli ɔmɛ, nɛ o je yo ɔmɛ a nɔ kɛ ma a.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

La 91:2

E ma de Yawɛ ke, “Mo ji ye wesa he, kɛ ye he bulɔ. Mo ji ye Mawu; i ngɔ ye hɛ kɛ fɔ o nɔ.”

La 96:4

Yawɛ kle agbo; e sa nɛ a je e yi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Luka 1:71

ke e ma kpɔ wɔ kɛ je wa he nyɛli, kɛ nihi nɛ nyɛɛ wɔ ɔ a dɛ mi.

Ni Tsumi 2:21

E maa ba mi kaa nɔ tsuaa nɔ nɛ ma kpa ngmlaa kɛ tsɛ Nyɔmtsɛ ɔ biɛ ɔ, a ma he e yi wami.’

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”