La 18:29 - BAIBLO ALOO NGMAMI KLƆUKLƆU Ɔ

²⁹ Mo Mawu, o he wami nya a, ma nyɛ ma tu gbogbo kɛ ya tua ye he nyɛli, nɛ ma ye a nɔ.

La 18:29 ပူးပေါင်းရင်းမြစ်များ

Samuel II, 22:30

Mo lɛ o haa mi nɔmlɔ tso he wami nɛ i kɛ fiaa ye he nyɛli nɔ́ nɛ i gbee mɛ; kɛ mumi mi he wami nɛ i kɛ yeɔ a nɔ kunimi.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.

La 144:1

Nyɛ je Yawɛ yi, lɛ ji ye yi baalɔ. E tsɔɔ mi bɔ nɛ a gbaa ta, kɛ bɔ nɛ a miaa kɛ hwuu ta.

Samuel II, 5:25

David pee kaa bɔ nɛ Yawɛ fa lɛ ɔ; nɛ e kpata Filisti bi ɔmɛ a hɛ mi kɛ je Geba kɛ ya si Gezer tɔɔ.

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”

Samuel I, 17:49

David kɛ e nine wo kotoku ɔ mi, nɛ e je tɛ kake kɛ wo amlami ɔ mi, nɛ e fɔ. Tɛ ɔ ya na Filisti no ɔ hɛ nya, nɛ e sɛ lo ɔ mi; nɛ Goliat nɔ si bum, nɛ e hɛ mi ya bu si.

Hiob 29:3

Jamɛ a be ɔ, Mawu kɛ mi ngɛ saminya, nɛ ke i ngɛ diblii mi nyɛɛe ɔ, e haa mi la.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?