La 18:2 - BAIBLO ALOO NGMAMI KLƆUKLƆU Ɔ

² Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 18:2 ပူးပေါင်းရင်းမြစ်များ

Samuel II, 22:3

Ye Mawu ɔ ji nɔ nɛ baa ye yi; e ngɔ nɛ i saa we ngɛ. Ye Mawu ɔ ji ye tsɛ̃i, ye wesa he, kɛ ye mɔ; lɛ nɛ e heɔ ye yi wami.

La 116:1

I suɔ Yawɛ, ejakaa e nuɔ ye kue fami ɔ, nɛ e buɔ mi tue.

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

La 144:2

Lɛ ji ye yi baalɔ, ye wesa he nitsɛnitsɛ, kɛ ye kpɔlɔ; lɛ ji ye tsɛ̃i, nɛ e ngɔ i ya saa we ngɛ. Lɛ ji nɔ nɛ baa ma a si kɛ woɔ ye sisi.

La 19:14

Yawɛ, ye wesa he, kɛ ye kpɔlɔ! Ha nɛ ye nya mi munyu, kɛ ye tsui mi susumi nɛ sa o hɛ mi.

La 28:1

Yawɛ, mo nɛ o faa ye he; i ngɛ mo tsɛe, moo bu mi tue koo! Ke o pui ye nya mi ɔ, lɛɛ ma pee kaa nihi nɛ ngɛ gbeje ɔ a ti nɔ kake.

La 59:11

Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 62:7

Mawu pɛ ji nɔ nɛ he ye yi wami. Lɛ pɛ lɛ e maa wo ye hɛ mi nyami. Mawu ji ye he wami kpetekpleenyɛ. Lɛ ji ye wesa he.

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

La 91:2

E ma de Yawɛ ke, “Mo ji ye wesa he, kɛ ye he bulɔ. Mo ji ye Mawu; i ngɔ ye hɛ kɛ fɔ o nɔ.”

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Abɛ Womi 2:7

Nihi nɛ peeɔ nɔ́ nɛ da, nɛ a yeɔ anɔkuale ɔ, Yawɛ piɛɔ a he, nɛ e baa a yi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Hebribi 2:13

E deɔ hu ke, “Ma ngɔ ye hɛ kɛ fɔ Mawu nɔ.” E kpale deɔ hu ke, “Ne mi kɛ bimɛ nɛ Mawu ha mi ɔ.”