La 18:15 - BAIBLO ALOO NGMAMI KLƆUKLƆU Ɔ

¹⁵ Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

La 18:15 ပူးပေါင်းရင်းမြစ်များ

La 106:9

E nga Wo Tsu ɔ yi, nɛ nyu ɔ mii, nɛ e kɛ mɛ nyɛɛ kɛ be kaa nɔ́ nɛ nga nɔ lɛ a ngɛ nyɛɛe.

Mose II, 15:8

O fli o gugwɔ mi ngɛ wo ɔ nɔ, nɛ nyu ɔ bua e he nya da si kaa gbogbo; ohue mi nyu ɔ fi, nɛ e wlua gɛgɛnii.

Mika 6:2

Nyɛ yohi, nyɛɛ bu munyuhi nɛ Yawɛ kɛ ngɛ e ma a nya poe ɔ tue! Nyɛ zugba a sisi tomihi nɛ nyɛ ngɛ daa, nyɛ ta tue! Yawɛ kɛ e ma, Israel na, nɛ e maa jaje e sane ɔ.

Yeremia 31:37

Ke a ma nyɛ ma susu hiɔwe, nɛ zugba a sisi tomi ɔ hu a ma nyɛ ma hla a, lɛɛ Yawɛ hu ma kua Israel ma a ngɛ níhi tsuo nɛ a pee ɔ a he. Yawɛ lɛ de.

La 104:5

O ngɔ je ɔ ngɔ ma e sisi tomi ɔ nɔ kpɛii, nɛ a be jee ngɛ lejɛ ɔ gblegbleegble.

La 76:6

Benɛ mo Yakob Mawu ɔ wo gbi ɔ, okpɔngɔ ɔmɛ, kɛ okpɔngɔ nɔ hili ɔmɛ tsuo gbo kɛ pue si.

Hiob 4:9

Mawu ngɔɔ abofu kɛ kpataa a hɛ mi kaa bɔ nɛ ahumi puɛɔ ní ɔ.

Samuel II, 22:16

Benɛ Yawɛ mi mi fu nɛ e kuɛ wo e he nyɛli ɔmɛ ɔ, wo nyu dɔ ɔmɛ, kɛ je ɔ sisi tomi ɔmɛ je kpo.

La 74:15

O ha nɛ pa tsɔwitsɔwihi hia kɛ be, nɛ pa nguahi lɛɛ a mi nyu mii ta.

Matsɛmɛ II, 19:7

Yawɛ ma ha nɛ Asiria matsɛ ɔ maa nu akeake munyu ko, nɛ nɔ́ nɛ ɔ ma ha nɛ e kpale e se kɛ ho lɛ nitsɛ e ma mi ya, nɛ Yawɛ ma ha nɛ a gbe lɛ ngɛ lejɛ ɔ.”

Yona 2:6

I kple si kɛ ho yo ɔmɛ a sisi tomi he ɔ ya tɔɔ, kɛ ya gbeje, he nɛ a sa ye yi wo kɛ yaa neneene. Se mo Yawɛ, ye Mawu, o je mi kɛ je kikɛmɛ a muɔ nɛ ɔ mi hɛ ngmengmle.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Samuel I, 7:10

Benɛ Samuel ngɛ sami bɔ ɔ sãe ɔ, Filisti bi ɔmɛ hɛ mɛ kɛ ba, konɛ a ba tua Israel. Se Yawɛ ha hiɔwe si wawɛɛ kɛ wo Filisti bi ɔmɛ jamɛ a ligbi ɔ; nɛ e ha basabasa sɛ a kpɛti, nɛ a kɛ sawale tu fo.

Hiob 36:32

E kɛ e nine nuɔ oslabai, nɛ he tsuaa he nɛ e fa lɛ ke e ya a, kɛkɛ e gba kɛ ya lejɛ ɔ.

La 77:18

Hiɔwe si kplala-la-la kɛ po si kaa lasiogblee nɛ bee. Oslabai la a ha nɛ je ɔ mi pee heii, nɛ zugba a mimiɛ.

La 92:10

O ha nɛ i na he wami kaa pu mi na. O gbaa mi kɛ bua jɔmi babauu.

La 144:6

Ha nɛ oslabai nɛ gba, nɛ o gbɛ o he nyɛli ɔmɛ ngɔ fĩa; tsɛ̃ o kɛ̃ɛ̃ mi bi ɔmɛ, nɛ o wo mɛ fo.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.