La 18:13 - BAIBLO ALOO NGMAMI KLƆUKLƆU Ɔ

¹³ Jehanɛ Yawɛ ha hiɔwe si; Hiɔwe No ɔ wo gbi; gbiɛ ngo ngu nɛ, nɛ oslabai gba.

La 18:13 ပူးပေါင်းရင်းမြစ်များ

La 104:7

Benɛ o wo gbi, nɛ hiɔwe si ɔ, a he sɔ kɛ je lejɛ ɔ.

Samuel I, 7:10

Benɛ Samuel ngɛ sami bɔ ɔ sãe ɔ, Filisti bi ɔmɛ hɛ mɛ kɛ ba, konɛ a ba tua Israel. Se Yawɛ ha hiɔwe si wawɛɛ kɛ wo Filisti bi ɔmɛ jamɛ a ligbi ɔ; nɛ e ha basabasa sɛ a kpɛti, nɛ a kɛ sawale tu fo.

La 140:10

Ha nɛ la ngu hɛuu ba pue a nɔ! A ya nɔ muɔ mi nɛ a ko nyɛ kpo nɛ a je gblegbleegble.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Kpojemi 4:5

I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

Yohane 12:29

Benɛ nimli kpekpemi ɔ nɛ daa si ngɛ lejɛ ɔ nu gbi ɔ, a ti ni komɛ de ke, “Hiɔwe si”; nɛ ni komɛ hu de ke, “Hiɔwe bɔfo ko kɛ lɛ tu munyu.”

Habakuk 3:5

E haa nɛ hiɔhi baa, nɛ gbenɔ nyɛɛɔ se.

Ezekiel 10:5

A nu kerub ɔmɛ a pɛli ɔmɛ a he ngɛ agbo nya kue ɔ mi tɔɔ kaa Mawu Ope ɔ nitsɛ nɛ ngɛ munyu tue.

La 78:48

E kɛ gbiɛ ngo ngu gbe a na amɛ; a to ɔmɛ lɛɛ e kɛ oslabai gbe mɛ.

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Mose V, 32:24

Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Mose II, 9:24

Benɛ gbiɛ ngo ngu ɔ ngɛ nɛe ɔ, oslabai hu ngɛ la pãe plamplam. Gbiɛ ngo ngu nɛ́ nɛ ɔ, a nɛ e nya wami ɔ eko hyɛ ngɛ Egipt zugba a nɔ tsuo kɛ je be nɛ a to ma a sisi.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.