La 17:3 - BAIBLO ALOO NGMAMI KLƆUKLƆU Ɔ

³ Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 17:3 ပူးပေါင်းရင်းမြစ်များ

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

Hiob 24:14

Awi yelɔ teɔ si mɔtu kpla konɛ e gbe ohiatsɛ, aloo nɔ nɛ be nɔ́ ko. Nyɔ mi kɛkɛ e pee e he julɔ.

La 11:5

Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

La 139:1

Yawɛ, o hyɛ ye mi tsuo, nɛ o le bɔ nɛ i ngɛ.

La 139:23

Mawu, hyɛ ye tsui mi nɛ o le mi. Kaa mi nɛ o hyɛ, nɛ o na níhi nɛ ngɛ ye juɛmi mi.

La 16:7

Ma je Yawɛ yi, ejakaa e ha mi juɛmi. Nyɔ mi po, ye he nile kɛ mi tuɔ munyu.

La 26:2

Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.

La 39:1

I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

La 66:10

Mo Mawu, o ka wɔ hyɛ ha, o tsu wa he kaa bɔ nɛ a tsuɔ sika hiɔ he ɔ.

Abɛ Womi 13:3

Nɔ nɛ hyɛɛ e lilɛ nɔ saminya a, e yi naa wami. Nɔ nɛ tuɔ munyu puu ɔ, e hɛ mi kpataa.

Yeremia 12:3

Se Yawɛ, imi lɛɛ o le mi saminya. O naa ye tsui mi níhi tsuo, nɛ juɛmi nɛ i ngɛ ngɛ o he hu o le. Moo gbla nimli yayami nɛ ɔmɛ kɛ ho kaa tohi nɛ a yaa gbe. Bu a he kɛ yaa si ligbi ɔ nɛ a maa gbe mɛ.

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Hosea 7:6

Niinɛ, ke a ngɛ ga yaya amɛ toe ɔ, a mi mi fuɔ kaa flɔɔnɔɔ kɛ e mi la gegeege. Nyɔ mi tsuo ɔ, la a tsoɔ tikɔɔ, se ke je na a, e tsoɔ gegeege.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Malaki 3:2

Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 16:9

Jamɛ a nyɔ ɔ mi nɔuu ɔ, a je nina ko kɛ tsɔɔ Paulo. E na Makedonia no ko nɛ daa si ngɛ lɛ pɛɛ kpae ke, “Ba Makedonia nɛ o ba ye bua wɔ!”

1 Korintobi 4:4

Ye he nile tete bui mi fɔ, se enɛ ɔ tsɔɔ we kaa lɔ ɔ he ɔ, i yeɔ nguɔ. Nyɔmtsɛ ɔ ji nɔ nɛ kojoɔ mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Samuel I, 24:10

Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’

Samuel I, 24:12

Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.

Samuel I, 26:11

Yawɛ hiɔ kaa nɔmlɔ nɛ lɛ, Yawɛ nitsɛ e wo lɛ matsɛ ɔ, ma pue e muɔ si. Ha waa kɛ̃ akplɔ ɔ nɛ ngɛ e yi tetle mi ɔ, kɛ nyu kɛ kplu ɔ, nɛ waa ho.”

Samuel I, 26:23

Yawɛ gbaa nihi nɛ yeɔ anɔkuale, kɛ ni nɛmɛ nɛ da. Yawɛ je mo kɛ wo ye dɛ mi mwɔnɛ ɔ, se mo nɔmlɔ nɛ Yawɛ pɔ mo nu ɔ, i tɛ o he.