La 17:15 - BAIBLO ALOO NGMAMI KLƆUKLƆU Ɔ

¹⁵ Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

La 17:15 ပူးပေါင်းရင်းမြစ်များ

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

La 11:7

Ejakaa Yawɛ ɔ, dalɔ ji lɛ; e suɔ kaa a pee níhi nɛ da. Dali maa na e hɛ mi.

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

La 5:7

Se imi lɛɛ, o mɔbɔ nami, kɛ o dloomi ɔ he je ɔ, ma nyɛ ma ba o we klɔuklɔu ɔ; ma ja mo ngɛ lejɛ ɔ kɛ gbeye yemi.

Hiob 14:12

jã kɛ̃ nɔmlɔ adesa hwɔɔ mahe, nɛ e ti si hu. E be si tee hu, nɛ kɛ yaa si be mi nɛ hiɔwe be hu ɔ, a be lɛ tsɛ̃ɛ̃e hu kɔkɔɔkɔ.

Yeremia 31:26

Kɛkɛ nɛ ye hɛ tsɛ̃, nɛ i na kaa i hwɔɛ mahe nɛ ngɔ ye he saminya.