La 16:7 - BAIBLO ALOO NGMAMI KLƆUKLƆU Ɔ

⁷ Ma je Yawɛ yi, ejakaa e ha mi juɛmi. Nyɔ mi po, ye he nile kɛ mi tuɔ munyu.

La 16:7 ပူးပေါင်းရင်းမြစ်များ

La 73:24

O maa wo mi ga, nɛ o maa tsɔɔ mi blɔ. Nyagbe ɔ, o ma he mi atuu, nɛ o maa wo ye hɛ mi nyami.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

La 77:6

Nyɔ mi tsuo i susu ye yi mi wawɛɛ nitsɛ, nɛ ye susuma pee vii. I de ngɛ ye yi mi ke,

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 63:6

Ke i kai mo ngɛ ye sa nɔ kikɛ nɛ ɔ, o he sɔuu i susuɔ nyɔ ɔ mi tsuo.

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

Yesaya 48:17

Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Yesaya 26:9

Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

Abɛ Womi 8:14

I le ní saminya, nɛ i woɔ nɔ ga; i nuɔ nɔ́ sisi, nɛ i ngɛ he wami hulɔ.

La 119:55

I kaiɔ mo Yawɛ nyɔ mi, nɛ i susuɔ o mlaa a he.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

La 119:7

Ke i kase o mlaa kpakpa nɛ ɔmɛ ɔ, ma je o yi kɛ tsui nɛ mi tsɔ.

La 119:148

Nyɔ mi tsuo i hwɔ we mahe; o siwo ɔ he i hii susue.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

La 22:2

Ye Mawu, ke i tsɛ mo piani ɔ, o he we mi nɔ. Ke i tsɛ mo nyɔ mi hu, ja nɔuu. Mɛni he je?

Yeremia 12:2

O toɔ mɛ si kaa bɔ nɛ a duɔ ní; a tsɛ̃ɛ̃ sipoku, a waa, nɛ a woɔ yiblii. A woɔ o biɛ ta ji nɛ, se a tsui be o he.

La 73:21

Benɛ i hao, nɛ i ngɛ tsui yee ɔ,