La 16:4 - BAIBLO ALOO NGMAMI KLƆUKLƆU Ɔ

⁴ Nihi nɛ a he sɔɔ kɛ ya nyɛɛɔ mawu kpahi a se ɔ, a haomi maa hiɛ babauu. I be mɛ futue kɛ pee a tɛlimi kusumi ɔmɛ; i be a biɛ ta woe tete.

La 16:4 ပူးပေါင်းရင်းမြစ်များ

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

La 32:10

Yayami peeli maa na nɔ́ wawɛɛ. Se nihi nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ Yawɛ maa na mɛ mɔbɔ daa.

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yeremia 7:18

Bimɛ lɛɔ lɛ́, nɛ tsɛmɛ slɛɔ la, nɛ nyɛmɛ pɔtɔɔ ma nɛ a kɛ sãã abolo kɛ haa yo mawu ɔ nɛ a tsɛɛ Hiɔwemanyɛ ɔ. Jehanɛ se hu, a kɛ wai sãã bɔ kɛ haa mawu kpahi, konɛ a kɛ wo ye mi mi la.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,

Mose III, 23:13

Nyɛɛ ngɔ mamu bukɔbukɔ nɛ a futu mi nu kilo enyɔ hu kɛ piɛ he kɛ ba sã niye ní bɔ. Enɛ ɔ ji bɔ nɛ jee via saminya, nɛ saa Yawɛ hɛ mi. Á ngɔ wai lita kake ngɔ piɛ he.

Mose I, 35:14

Yakob kɛ kaimi tɛ ko ma si ngɛ he nɛ Mawu kɛ lɛ ba tu munyu ngɛ ɔ. E plɛ wai kɛ oliv nu ngɔ pue nɔ, nɛ e kɛ pee tɛ ɔ klɔuklɔu kɛ ha Mawu.