La 16:3 - BAIBLO ALOO NGMAMI KLƆUKLƆU Ɔ

³ Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

La 16:3 ပူးပေါင်းရင်းမြစ်များ

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

La 101:6

Nihi nɛ yeɔ Mawu anɔkuale ɔ, ma ná a he bua jɔmi, nɛ i kɛ mɛ maa hi si. Ni nɛmɛ nɛ peeɔ nɔ́ nɛ da a, mɛ lɛ a ma sɔmɔ mi.

La 116:15

Yawɛ ni klɔuklɔu ɔmɛ a gbenɔ dɔɔ lɛ wawɛɛ.

La 119:63

O tsɔli ɔmɛ nɛ sɔmɔɔ mo, kɛ nihi nɛ yeɔ o mlaa amɛ a nɔ ɔ, ye huɛmɛ ji mɛ tsuo.

La 122:8

Ye nyɛmimɛ, kɛ ye huɛmɛ ɔmɛ a he ɔ, ma de Yerusalem ke, “Tue mi jɔmi nɛ hi o mi!”

La 30:4

Nyɛ, Yawɛ ni klɔuklɔuhi, nyɛ la kɛ je Yawɛ yi. Nyɛ kai níhi nɛ nɔ klɔuklɔu ɔ tsu, nɛ nyɛɛ na lɛ si.

Abɛ Womi 12:26

Nɔmlɔ kpakpa tsɔɔ e nyɛmi blɔ kpakpa. Se nɔmlɔ yayami ní peemi níhi haa mɛ tsuo a laa blɔ.

Abɛ Womi 13:20

Nɔ nɛ kɛ ní leli nyɛɛɔ ɔ, e leɔ ní. Se nɔ nɛ kɛ kuasiahi bɔɔ ɔ, haomi lɛ baa e nɔ.

Abɛ Womi 8:31

I náá je ɔ nɛ e bɔ ɔ, kɛ nimli adesahi tsuo a he bua jɔmi.

Lahi 7:10

Ye suɔlɔ ɔ nɔ́ ji mi; e ngɛ ye se blɔ hlae.

Yesaya 62:4

A be mo tsɛe hu ke, “Nɔ nɛ a kua lɛ,” nɛ a be o zugba hu tsɛe ke, “Yo nɛ a fie lɛ kɛ je gba we.” Se a ma tsɛ mo ke, “Mawu ná e he bua jɔmi,” nɛ o zugba a, a ma tsɛ lɛ “Ayɛflo,” ejakaa Yawɛ bua jɔ o he, nɛ e maa ngɔ o zugba a kɛ pee kaa e we ayɛflo.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

Efesobi 1:1

Imi Paulo, nɛ Mawu suɔmi nya nɛ i ba pee Kristo Yesu bɔfo ɔ, imi lɛ i ngma womi nɛ ɔ ya ha ni klɔuklɔu ɔmɛ nɛ ngɛ Efeso, nihi nɛ kɛ je be nɛ a ba le Kristo Yesu ɔ, a ngmɛɛ we a hemi kɛ yemi ɔ he kulaa a.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.