La 16:2 - BAIBLO ALOO NGMAMI KLƆUKLƆU Ɔ

² I de Yawɛ ke, “Yawɛ, ye Nyɔmtsɛ ji mo; o se ɔ, i pa be nɔ́ kpakpa ko hu.”

La 16:2 ပူးပေါင်းရင်းမြစ်များ

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 31:14

Se imi lɛɛ i ngɔ ye hɛ kɛ fɔ mo, Yawɛ o nɔ. I de ke, “Mo pɛ ji ye Mawu”.

La 73:25

Mɛnɔ i pa ngɛ ngɛ hiɔwe pe mo? O se ɔ, nɔ́ ko nɔ́ ko hia we mi ngɛ zugba nɛ ɔ nɔ hu.

La 8:1

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo, nɛ a woɔ o hɛ mi nyami ngɛ hiɔwe lokoo!

La 89:26

E ma tsɛ mi ke, ‘Tsaatsɛ, ye Mawu, ye he bulɔ, kɛ ye yi wami helɔ.’

La 91:2

E ma de Yawɛ ke, “Mo ji ye wesa he, kɛ ye he bulɔ. Mo ji ye Mawu; i ngɔ ye hɛ kɛ fɔ o nɔ.”

Yesaya 26:13

Yawɛ, o se ɔ, nyɔmtsɛmɛ kpahi ba ye wa nɔ lɛɛ, se mo pɛ nɛ wa le.

Yesaya 44:5

“Nɔ kake ma de ke ‘Imi lɛɛ Mawu nɔ́ ji mi;’ nɔ kake ma tsɛ e he ke Yakob. Nɔ kake hu ma kadi kɛ wo e kɔni nɔ ke, ‘Yawɛ nɔ́,’ nɛ e ma tsɛ e he ke Israel.”

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Luka 17:10

Enɛ ɔ kɔɔ nyɛ hu nyɛ he jã kɛ̃. Ke nyɛ pee níhi tsuo nɛ a fa nyɛ ke nyɛɛ pee ɔ, nyɛ de ke, ‘Wɔɔ lɛɛ sɔmɔli nɛ he be se nami kɛkɛ ji wɔ. Ní tsumi nɛ sa kaa wa tsu ɔ, lɔ ɔ pɛ wa tsu nɛ ɔ nɛ.’ ”

Yohane 20:28

Toma he nɔ ke, “Ye Nyɔmtsɛ! Ye Mawu!”

Romabi 11:35

Mɛnɔ ha lɛ nɔ ko hyɛ, nɛ e hia kaa e to lɛ nane mi?”