La 150:3 - BAIBLO ALOO NGMAMI KLƆUKLƆU Ɔ

³ Nyɛ kpa titimati kɛ je e yi, nyɛ je e yi kɛ saku, kɛ kpa saku!

La 150:3 ပူးပေါင်းရင်းမြစ်များ

La 33:2

Nyɛɛ fia saku kɛ je Yawɛ yi. Nyɛɛ fia kpa saku, nɛ nyɛ la kɛ je Yawɛ yi.

La 149:3

Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

La 92:3

A fia kpa saku, kɛ saku kpahi nɛ a la kɛ to he.

La 108:2

Makɛ mla a, ma te si nɛ ma fia saku kɛ je o yi.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Mose IV, 10:10

Jehanɛ, ngɛ nyɛ nyami ligbihi, kɛ ligbi kpahi nɛ a to ɔ, kɛ Nyɔhiɔhe nyami be ɔmɛ hu nyɛ kpa titimati ɔmɛ be mi nɛ nyɛ ngɛ sami bɔ ɔmɛ, kɛ tue mi jɔmi bɔ ɔmɛ sãe. Nɔ́ nɛ ɔ ma ha nɛ nyɛ Mawu ɔ ma kai nyɛ. Imi ji Yawɛ, nyɛ Mawu ɔ nɛ.”

Daniel 3:5

Be tsuaa be nɛ nyɛ maa nu nɛ titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi ngɛ pɛe ɔ, nyɛ kpla si nɛ nyɛ ja sika tsu amaga a nɛ Matsɛ Nebukadnezar puɛ ngɔ ma si ɔ.

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Samuel II, 6:15

David kɛ Israel tsuo ngɔ Yawɛ daka a kɛ ba kɛ lele hwɔmi kɛ koli kpami.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

Kronika II, 20:28

Benɛ a ba su ma a mi ɔ, a fia saku, nɛ a kpa bɛ, kɛ titimati kɛ ya sɛ Yawɛ we ɔ mi.