La 15:1 - BAIBLO ALOO NGMAMI KLƆUKLƆU Ɔ

¹ Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

La 15:1 ပူးပေါင်းရင်းမြစ်များ

La 84:4

Nihi nɛ hii o we ɔ mi, nɛ laa daa kɛ jeɔ o yi ɔ, a gbaa mɛ.

La 61:4

Ha ma hi o we klɔuklɔu ɔ daa. Ma na he jɔmi ngɛ lejɛ ɔ kaa bɔ nɛ lohwe pɛlitsɛ kɛ e pɛli haa e bimɛ a nɔ ɔ.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

La 23:6

Niinɛ, i le kaa ye wami be ɔ tsuo o maa na mi mɔbɔ, nɛ o maa pee mi kpakpa sɔuu. Nɛ mo Yawɛ, o we ɔ ji he nɛ ma hi daa.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.