La 149:3 - BAIBLO ALOO NGMAMI KLƆUKLƆU Ɔ

³ Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

La 149:3 ပူးပေါင်းရင်းမြစ်များ

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika I, 25:6

Heman binyumu ɔmɛ tsuo fiaa ngmlɛ, kɛ saku kɛ sɔmɔɔ ngɛ Yawɛ we ɔ kaa bɔ nɛ a tsɛ ɔ faa mɛ ɔ. Asaf, Yedutun, kɛ Heman lɛɛ matsɛ ɔ nɛ faa mɛ loko a tsuɔ ní.

Kronika II, 20:28

Benɛ a ba su ma a mi ɔ, a fia saku, nɛ a kpa bɛ, kɛ titimati kɛ ya sɛ Yawɛ we ɔ mi.

Kronika II, 29:25

Mlaahi nɛ Yawɛ wo Matsɛ David kɛ gu lɛ David ɔ gbalɔ Gad, kɛ gbalɔ Natan a nɔ ɔ, Matsɛ Hezekia ye mlaa amɛ a nɔ pɛpɛɛpɛ. E ngɔ Levi bi ɔmɛ ya da si ngɛ Yawɛ we ɔ kɛ a dɛ mi gɔgɔhi, bɛhi, kɛ sakuhi

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

La 33:2

Nyɛɛ fia saku kɛ je Yawɛ yi. Nyɛɛ fia kpa saku, nɛ nyɛ la kɛ je Yawɛ yi.

La 81:2

Nyɛ je la, nɛ nyɛɛ fia gɔgɔ. Nyɛɛ fia saku nɛ gbi ngɔɔ, nɛ nyɛɛ fia miɛ kɛ piɛ he.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 87:7

A maa do, nɛ a ma la ke, “Zion lɛ wa gbaami ɔmɛ tsuo jeɔ.”

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Yeremia 31:4

Ma to nyɛ si ekohu. Nyɛ maa ngɔ nyɛ fao ɔmɛ, nɛ nyɛ maa do kɛ bua jɔmi ekohu.

Manyadali 11:34

Benɛ Yefta kpale kɛ ma e we ɔ mi ngɛ Mizpa, nɛ e maa hyɛ ɔ, e biyo ɔ ji nɛ ɔ nɛ je kpo kɛ ma lɛ kpee mi kɛ fao fiami, kɛ domi. Lɛ pɛ ji e bi; e be binyumu, loo biyo kpa ko ngɛ e se.