La 149:2 - BAIBLO ALOO NGMAMI KLƆUKLƆU Ɔ

² Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 149:2 ပူးပေါင်းရင်းမြစ်များ

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

La 95:6

Nyɛɛ ba nɛ waa ngɔ wa hɛ mi kɛ bu si, nɛ wa ja lɛ. Nyɛ ha nɛ wa kpla si ngɛ Yawɛ, wa bɔlɔ ɔ nane nya.

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Hiob 35:10

Se Mawu nɛ bɔ mɛ ɔ, nɔ nɛ baa a yi nyɔ mi tete po ɔ, lɛɛ nɔ ko hla we e se blɔ.

La 47:6

Nyɛ la kɛ je Mawu yi! Nyɛ la kɛ je wa matsɛ ɔ yi! Nyɛ la kɛ je e yi.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 21:5

“Nyɛ de Zion biyo ɔ ke, Hyɛ, o matsɛ ɔ ma o ngɔ. E he jɔ, nɛ e hi teji nɔ, ee, e hi teji bi nɔ.”

Yesaya 43:15

Imi ji Yawɛ Mawu klɔuklɔu ɔ nɛ. Israel, imi ji o bɔlɔ, kɛ o matsɛ.”

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Zefania 3:14

Yerusalem bi, nyɛ la kɛ bua jɔmi; Israel ma, nyɛ hwɔ lele. Yerusalem bi, nyɛ nya nɛ nyɛ bua nɛ jɔ nyɛ he.

Zefania 3:15

Yawɛ gbla nyɛ tue ta; e fie nyɛ he nyɛli ɔmɛ ngɛ nyɛ he. Yawɛ, Israel matsɛ ɔ ngɛ nyɛ kpɛti; nyɛ be gbeye yee hu.