La 148:13 - BAIBLO ALOO NGMAMI KLƆUKLƆU Ɔ

¹³ Nimli nɛ ɔmɛ tsuo nɛ a je Yawɛ yi, ejakaa lɛ nɔ kake too lɛ ngɛ biɛ nɛ kle agbo; e hɛ mi nyami ha zugba a nɔ tsuo kɛ be hiɔwe tete he.

La 148:13 ပူးပေါင်းရင်းမြစ်များ

La 113:4

Yawɛ lɛ yeɔ je ma amɛ tsuo a nɔ, nɛ e hɛ mi nyami ɔ kle kɛ be hiɔwe po he.

La 8:1

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo, nɛ a woɔ o hɛ mi nyami ngɛ hiɔwe lokoo!

La 8:9

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo.

Yesaya 12:4

Jamɛ a ligbi ɔ, ma a ma la nɛ a ma de ke, “Nyɛɛ na Yawɛ si! Nyɛɛ wo e biɛ ta! Nyɛ ha je ma amɛ tsuo nɛ le níhi nɛ e pee ɔ! Nyɛ ha nɛ a le kaa Yawɛ kle!

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Efesobi 4:10

Lɔ ɔ he ɔ, nɔ nɛ ba zugba a nɔ ɔ, lɛ nɔuu nɛ e kuɔ kɛ ho hiɔwe ya, konɛ a na lɛ ngɛ he tsuaa he.

Zakaria 9:17

E dɛ mi nɛ kpakpa kɛ afɛu tsuo je; nihewi a blɛfo maa ba saminya; yihewi maa nga wai he bɔ nɛ sa, nɛ mɛ tsuo a ma plɔke.

Yesaya 33:5

Yawɛ kle! E ngɛ he wami ngɛ nɔ́ tsuaa nɔ́ nɔ. E ma ha a maa ye dami sane sɔuu; anɔkuale pɛ a maa tu ngɛ Yerusalem be tsuaa be,

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Lahi 5:9

Mo nɛ o he ngɛ fɛu pe yihi tsuo, mɛni o suɔlɔ ɔ kɛ pe suɔli kpahi? Mɛni ngɛ nyakpɛ tsɔ ngɛ o suɔlɔ ɔ he, nɛ o deɔ wɔ ke wa ka mo kita a?

La 108:4

Ejakaa o suɔmi nɛ ngɛ daa a kle kɛ su hiɔwe lokoo, nɛ o we anɔkuale yemi ya su bɔku mi tɔɔ.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

La 57:6

Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

La 150:6

Nɔ́ tsuaa nɔ́ nɛ woɔ mumi ɔ, e je Yawɛ yi! Nyɛ je Yawɛ yi.